އަސްލެއް ނެތް ދައުވާ ކޮށްގެން ރާއްޖެ ޓީވީގެ މަންޒަރެއް، އަޑު ކަނޑައެއް ނުލެވޭނެ: ފިޔާޒު
މިއީ ނޫސްވެރިންނަށް ބިރު ދެއްކުމާއި ނޫސްވެރިކަން ހުއްޓުވާލުމަށް ކުރަމުންދާ ކަމެއް: ފިޔާޒް
"ނުހައްގުން އަދަބު ނުދީ" ބޯޑް ރާއްޖެޓީވީގެ ޗީފް އޮޕަރޭޓިން އޮފިސަރު ހުސައިން ފިޔާޒު މޫސާ މިއަދު ލިޔުއްވަނީ.
ބިރު ދައްކުމުގެ ގޮތުން އަސްލެއް ނެތް ދައުވާކޮށްގެން ރާއްޖެ ޓީވީ މަންޒަރާއި އަޑެއް ކަނޑުވައެއް ނުލެވޭނެ ކަމަށާއި ނޫސްވެރިން ޖަލަށް ލިޔަސް ޒިންމާދާރު ކަމާއެކު ނޫސްވެރިކަން ކުރުމުގައި ރާއްޖެޓީވީ އޮތީ ސާބިތުކަމާއެކު ކެރިގެން ކަމަށް މި ސްޓޭޝަންގެ ޗީފް އޮޕަރޭޓިން އޮފިސަރު ހުސައިން ފިޔާޒް މޫސާ މިއަދު ވިދާޅުވިއެވެ.
ރާއްޖެ ޓީވީގެ ނޫސްވެރިންނަށް އަސްލެއް ނެތި ކުރާ ދައުވާތަކާއި ގުޅިގެން އެކަމުގެ ކަންބޮޑުވުން ފާޅުކުރުމުގެ ގޮތުން "ނުހައްގުން އަދަބު ނުދީ" މިޝިއާރުގެ ދަށުން ބޭއްވި ޝުއޫރު ފާޅު ކުރުމާއި ސޮއިކުރުމުގެ ހަފްލާ ފައްޓަވަމުން ފިޔާޒު ވިދާޅުވީ ރާއްޖެ ޓީވީގެ ނޫސްވެރިންނަށާއި ރާއްޖެ ޓީވީއަށް ކުރަމުންދާ ދައުވާތަކަކީ ކަނޑައެޅިގެން ޖެއްސުން ކުރުމާއި ދުއްތުރާ ކުރަމުން ދިއުން ކަމަށާއި މިއީ އެއްވެސް އަސްލެއް ނެތް ދައުވާތަކެއް ކަމަށެވެ. މިއީ ނޫސްވެރިންނަށް ބިރު ދެއްކުމާއި ނޫސްވެރިކަން ހުއްޓުވާލުމަށް ކުރަމުންދާ ކަމެއް ކަމަށް އޭނާ ވިދާޅުވި އެވެ.
މިމަހުގެ 29 ވަނަ ދުވަހު ޝަރީއަތަށް ހާޒިރުވާން ޖެހޭ ފިޔާޒް ވިދާޅުވި ގޮތުގައި، ވިސާމް އާއި ޒަރީރުގެ މައްޗަށް ދައުވާކޮށް ޝަރީއަތް ހިންގާއިރު، އެއީ އަސްލެއް ނެތް ދައުވާއެއްކަން އެނގެނީ އެ މީހުންނާއެކު ހައްޔަރުކުރި ސަރުކާރަށް ތާއިދު ކުރާ ޓީވީއެއްގެ ނޫސްވެރިޔަކަށް އެއްވެސް ފިޔަވަޅެއް ނޭޅުމެވެ. އަދި ނޫސްވެރިންނާއިމެދު މީޑިއާ ރެގިއުލޭޓްކުރާ ބްރޯޑްކޯސްޓިން ކޮމިޝަނާއި މީޑިއާ ކައުންސިލުން ފިޔަވަޅު އަޅާއިރު، ނޫސްވެރިންނަށް ނުހައްގު އަދަބުދޭ ދިނުމާމެދު އެއްވެސް ބަހެއް ނުބުނެ ހަނުހުންނާތީވެސް ކަންބޮޑުވުން ފާޅުކުރެއްވި އެވެ.
ނޫސްވެރިންނަށް ހުރަސް އެޅީ ފިޔަޒު ވިދާޅުވި ގޮތުގައި މުއައްސަސާތަކުން ކަމަށާއި ނޫސްވެރިން ފުލުހުންގެ ގާނޫނީ ވާޖިބަށް ހުރަސް ނާޅަ އެވެ.
ރާއްޖެ ޓީވީގެ ނިއުސް ޑައިރެކްޓަރު އަލީ ޔޫސުފް ވިދާޅުވީ ރާއްޖެ ޓީވީގެ ނޫސްވެރިންނަށް ޖަލަށް ލުމަކީ ލިބޭ ގެއްލުމެއް ކަމަށާއި ނަމަވެސް ނޫސްވެރިކަމުގެ ތެރެއިން ކަމެއް ކަވަރުކުރަން އުޅުމުގެ ތެރޭގައި ބަންދުކޮށް މިފަދަ އަދަބެއް ނުހައްގުން ދިނުމަކީ ފަޚުރުވެރިވާ ކަމެއް ކަމަށެވެ. ޖަލަށް ލެވޭ ރާއްޖެ ޓީވީގެ ނޫސްވެރިންނަކީ ފަޚުރުވެރި ބަތަލުންކަމަށް އަލީ ޔޫސްފް ސިފަ ކުރެއްވިއެވެ.
އަންގާރަ ދުވަހު ރާއްޖެ ޓީވީގެ ޒުވާން ހީވާގި ދެ ނޫސްވެރިން ކަމުގައިވާ ލީވާން އަލީ ނާސިރާއި މުހައްމަދު ވިސާމަށް ހުކުމް ކުރާއިރު ރާއްޖެ ޓީވީގެ ނޫސްވެރިންނަށް ކުރާ ދައުވާތަކަށް ކަންބޮޑުވުން ފާޅުކޮށް ގިނަ ބަޔަކު ވަނީ ރާއްޖެޓީވީގެ ބޭރުގައި ހަރުކޮށްފައިވާ ބޯޑުގައި ޝުޢޫރު ފާޅުކޮށް ސޮއިކޮށްފައެވެ. އޭގެތެރޭގައި ޢާއްމު ރައްޔިތުންނާއި ނޫސްވެރިންވެސް ހިމެނެއެވެ.
ލީވާންއާއި ވިސާމްއަށް ހުކުމް ކުރުމުގެ ޝަރީއަތް އޮތީ އަންގާރަ ދުވަހުގެ 13:00 ގައެވެ.
