ރާއްޖެއިން އިތުރު 67 މީހަކު ކޮވިޑް-19 އަށް ޕޮޒިޓިވް ވެއްޖެއެވެ.

އާދިއްތަ ދުވަހުގެ ރޭ ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ކޮށްފައިވާ ޓްވީޓްގައި ބުނެފައިވަނީ ޕޮޒިޓިވްވި މީހުންގެ ތެރެއިން 52 މީހުންނަކީ ދިވެހިންނެވެ. މީގެ އިތުރުން ބަންގްލަދޭޝްގެ 14 މީހަކާއި އިންޑިއާގެ ރައްޔިތަކު ވަނީ ޕޮޒިޓިވް ވެފައެވެ.

މިއީ ލޮކްޑައުންއަށް ލުއިދޭން ފެށިފަހުން އެންމެ ގިނަ ދިވެހިން ޕޮޒިޓިވްވި ދުވަހެެވެ.

މިހާތަނަށް ރާއްޖެއިން ކޮވިޑް-19 އަށް ޕޮޒިޓިވް ވެފައިވަނީ 2731 މީހުނެވެ.

އެކްޓިވް ކޭސްގެ ގޮތުގައި 419 ކޭސް އެއް ރިޕޯޓްކޮށްފައިވާއިރު މިހާތަނަށް 2284 މީހަކު ވަނީ ބަލިން ފަސޭހަވެފައެވެ.

މިހާތަނަށް ރާއްޖެއިން ކޮވިިޑް-19 ޖެހިގެން މަރުވެފައިވަނީ 13 މީހުންނެވެ.