ހުކުރު 14 އޯގަސްޓު 2020
04 މާ
1441 ޒުލްޙައްޖު 24
ފަތިސް 04:48
އިރުއަރާ 06:01
މެންދުރު 12:15
އަސްރު 15:29
އިރުއޮއްސޭ 18:20
އިޝާ 19:34
އިނގިރޭސި ޕްރިމިއާ ލީގު

ލިވަޕޫލްގެ ރެކޯޑަށް ނިމުން އައިރު، ޗެލްސީއަށް ހާސްކަން

  • ލިވަޕޫލް އާއި ބާންލީ އެއްވަރުވީ 1-1 ން
  • ޗެލްސީ އަތުން ޝެފީލްޑް މޮޅުވީ 3-0 ން

ކ. މާލެ | 12 ޖުލައި 2020 | އާދީއްތަ 12:25 | 2,344

ލިވަޕޫލް އާއި ބާންލީ ބައްދަލުކުރި މެޗުގެ ތެރެއިން: މި މެޗު ނިމުނީ 1-1- ން އެއްވަރުވެގެން - ގެޓީ އިމޭޖާސް

އިނގިރޭސި ޕްރިމިއާ ލީގުގެ ޗެމްޕިއަންކަން ކަށަވަރުކޮށްފައިވާ ލިވަޕޫލުން ބާންލީއާ އެއްވަރުވެ، އަމިއްލަ ދަނޑުގައި ދަމަހައްޓަމުންއައި ސައްތަ އިން ސައްތަ ރެކޯޑަށް ނިމުމެއް އައިސްފިއެވެ.

ލިވަޕޫލްގެ ދަނޑުގައި ހޮނިހިރު ދުވަހުގެރޭ ކުޅުނު މެޗު އެއްވަރުވީ 1-1 ންނެވެ. މި މެޗާ ހަމައަށް ލިވަޕޫލުން ވަނީ ލީގުގައި އަމިއްލަ ދަނޑުގައި ކުޅުނު 17 މެޗުން މޮޅުވެފައެވެ.

މި މެޗުގެ ފުރަތަމަ ހާފު ލިވަޕޫލުން ޑޮމިނޭޓުކުރިއިރު، މެޗުގައި އެންމެ ފުރަތަމަ ލަނޑު ޖަހާ ލީޑު ނެގީވެސް އެޓީމުންނެވެ. މެޗުގެ 34 ވަނަ މިނެޓުގައި ފަބީނިއޯ ހުރަސްކޮށްދިން ބޯޅައަކުން ލިވަޕޫލަށް ލީޑު ނަގައިދިނީ އެންޑީ ރޮބަޓްސަންއެވެ.

އޭގެ ފަހުން މި މެޗުގައި ލިވަޕޫލުން ފޮނުވާލި ގިނަ ހަމަލާތަކެއް ބާންލީ ގޯލްކީޕަރު ނިކް ޕޯޕް ވަނީ ދިފާއުކޮށްފައެވެ. މެޗުގައި ބާންލީން ނަތީޖާ އެއްވަރުކުރީ 69 ވަނަ މިނެޓުގައި ޖޭ ރޮޑްރިގޭޒް ކާމިޔާބުކުރި ލަނޑުންނެވެ.

ޝެފީލްޑް އާއި ޗެލްސީ ބައްދަލުކުރި މެޗުގެ ތެރެއިން: މި މެޗުން ޝެފީލްޑް މޮޅުވީ 3-0 ން

ލީގުގައި ހޮނިހިރު ދުވަހުގެރޭ ޝެފީލްޑް ޔުނައިޓެޑް އަތުން 3-0 އިން ބަލިވެ ގަދަ ހަތަރެއްގެ ރޭހުގައި ޗެލްސީއަށް ވަނީ ހާސްކަން ކުރިމަތިވެފައެވެ.

ރަށުން ބޭރުގައި ކުޅުނު މި މެޗުގައި ޗެލްސީއަށް އެންމެ އެދެވޭ ކުޅުމެއް ނުދެއްކުނުއިރު، ފުރަތަމަ ހާފުގައި ޝެފީލްޑުން ވަނީ ދެ ލަނޑުގެ ލީޑެއް ނަގާފައެވެ. މެޗުގެ 18 ވަނަ މިނެޓުގައި ޑޭވިޑް މެކްގޯލްޑްރިކާއިގެ ލަނޑުން ޝެފީލްޑުން ލީޑު ނެގިއިރު، މެޗުގެ 33 ވަނަ މިނެޓުގައި އެޓީމަށް ލީޑު ފުޅާކޮށްދިނީ އޮލީ މެކްބާނީއެވެ. އަދި މި މެޗުގައި ޝެފީލްޑުގެ ތިންވަނަ ލަނޑު 77 ވަނަ މިނެޓުގައި ކާމިޔާބުކޮށްދިނީ މޮޅު ކުޅުމެއް ދެއްކި މެކްގޯލްޑްރިކްއެވެ.

މީގެ އިތުރުން ލީގުގެ ދެވަނައިގައި އޮތް މެންޗެސްޓާ ސިޓީ ވަނީ ހޮނިހިރު ދުވަހުގެރޭ ބްރައިޓަން އަތުން 5-0 ން މޮޅުވެފައެވެ. އަދި ވެސްޓް ހޭމް ޔުނައިޓެޑް އަތުން 4-0 އިން ބަލިވި ނޯވިޗް ސިޓީ ވަނީ ބާކީ ތިން މެޗު އޮއްވައި ދެވަނަ ޑިވިޝަނަށް ރެލިގޭޓްވެފައެވެ.

ހޮނިހިރު ދުވަހުގެރޭގެ ނަތީޖާތަކާއެކު އެއްވަނައިގައި ލިވަޕޫލް އޮތީ 35 މެޗުން 93 ޕޮއިންޓާއެކުއެވެ. ދެވަނައިގައި އޮތް ސިޓީއަށް 35 މެޗުން 72 ޕޮއިންޓު ލިބިފައިވާއިރު، ތިންވަނައިގައި އޮތް ޗެލްސީއަށް 35 މެޗުން ލިބިފައިވަނީ 60 ޕޮއިންޓެވެ.

އެންމެ ފަހުން އަޕްޑޭޓް ކުރީ: 1 މަސްކުރި | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.