މޯލްޑިވްސް އެސޯސިއޭޝަން އޮފް ޓްރެވެލް އެޖެންޓްސް އެންޑް ޓުއަރ އޮޕަރޭޓާސް (މަޓާޓޯ) އިން އިންތިޒާމްކޮށްގެން ބާއްވާ މޯލްޑިވްސް ޓްރެވެލް އެވޯޑުގެ ގާލާ އެޑިޝަންގެ ވޯޓުލުން ހުޅުވާލައިފި އެވެ.
ގާލާ އެޑިޝަންއަށް ވޯޓު ލުމަށް ހުޅުވާލާފައިވަނީ އޮކްޓޯބަރ 20 ވަނަ ދުވަހުން ފެށިގެން ނޮވެމްބަރު މަހުގެ 15 ގެ ނިޔަލަށެވެ.
ރިސޯޓްތަކަށް ހާއްސަކޮށްގެން ބާއްވާ އެޑިޝަން އޮންނާނީ ނޮވެމްބަރ 23 ވަނަ ދުވަހުގައެވެ.
ގާލާ އެޑިޝަންގައި އެވޯޑްތައް ދިނުމަށް ހަމަޖެހިފައިވަނީ މިދާއިރާގައި ފާހަގަކޮށްލެވޭ ރިސޯޓްތަކާއި، ލިވްއަބޯޑުސް. ހޮޓެލްސް އަދި އެއަރލައިންތަކުން މިދާއިރާއަށް ފޯރުކޮށްދެމުންގެންދާ ހިދުމަތްތަކާއި ގުޅޭ ގޮތުންނެވެ.
ޖުމްލަ 230 ނޮމިނޭޝަންއާއި އެކު ކުރިއަށްގެންދާ މި އެވޯޑް ހަފްލާގައި ވަނަތައް ހޮވާނީ ޓްރިޕް އެޑްވައިޒަރއިން ލިބޭ 40 އިންސައްތަ ވޯޓާއި އޮންލައިން ވޯޓިން އިން ލިބޭ 60 އިންސައްތަ ވޯޓަށް ބެލުމަށް ފަހުގައެވެ.
މޯލްޑިވްސް ޓްރެވެލް އެވޯޑްސް ތިން ބަޔަކަށް ބަހާލައިހެން ބާއްވާއިރު މިއަހަރުގެ ޖުލައިމަހު ވަނީ ޕީޕަލްސް އެޑިޝަން ބާއްވާފައެވެ. އަދި ގެސްޓް ހައުސް އެޑިޝަން އޮކްޓޯބަރ 30 ވަނަ ދުވަހު މާފުށީގައި ބާއްވާއިރު ގާލާ އެޑިޝަން އޮންނާނީ އަދާރަން ހުދުރަންފުށީ ގައި ނޮވެމްބަރ މަހުގައެވެ.
