ރާއްޖެއިން ކޮވިޑް-19 ޖެހިގެން 13 ވަނަ މީހާ ނިޔާވެއްޖެ، ނިޔާވެފައިވަނީ 70 އަހަރުގެ އަންހެނެއް
ނިޔާވެފައިވަނީ 70 އަހަރުގެ ދިވެހި އަންހެނެއް
ލައިޝާ އަހްމަދު | 8 ޖުލައި 2020 | ބުދަ 15:30
މަރުވެފައިވަނީ 70 އަހަރުގެ އަންހެނެއް، އޭނާ އައިޖީއެމްއެޗަށް ގެންދިޔަ އިރުވެސް މަރުވެފައިވާކަމަށް ހޮސްޕިޓަލުން ބުނޭ
ރާއްޖެއިން ކޮވިޑް-19 ޖެހިގެން 13 ވަނަ މީހާ ނިޔާވެއްޖެއެވެ.
ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ބުނީ، ނިޔާވެފައިވަނީ 70 އަހަރުގެ ދިވެހި އަންހެނެއް ކަމަށެވެ. އެގޮތުން އޭނާ އައިޖީއެމްއެޗްއަށް ގެންދިޔައީ މެންދުރު 01:00 ގައި ކަމަށާއި، ހޮސްޕިޓަލަށް ގެންދިޔައިރުވެސް މަރުވެފައިވާ ކަމަށް އެޗްޕީއޭއިން ބުނެއެވެ. އަދި އޭނާގެ ޓެސްޓް ހެދިއިރު ކޮވިޑް-19 އަށް ޕޮޒިޓިވްވެފައިވާކަން އެނގިފައިވާކަން އެޗްޕީއޭއިން ފާހަގަ ކުރިއެވެ.
އެއާއެކު ރާއްޖެއިން ކޮވިޑް-19 ޖެހިގެން މަރުވި މީހުންގެ ޖުމުލަ އަދަދަކީ 13 އެވެ. އެގޮތުން މީގެ ކުރިންވެސް ވަނީ 7 ދިވެހިންނާއި، 5 ބިދޭސީން ނިޔާވެފައެވެ.
