ރާއްޖެއަކީ ރުބެއްލާ ނައްތާލެވިފައިވާ ޤައުމެއްގެ ގޮތުގައި ޑަބްލިއުއެޗްއޯ އިން ކަނޑައަޅައިފި
8 ޖުލައި 2020 | ބުދަ 08:04ރުބެއްލާ ޖެހުމުން ގައިގައި ކުދި ބިހިތަކެއް ނަގާ
އަޒްލިފާ އަބްދުﷲ | 8 ޖުލައި 2020 | ބުދަ 08:04
ރުބެއްލާ ޖެހިފައިވާ ކުއްޖެއް
ދިވެހިރާއްޖެއިން ރުބެއްލާ ނައްތާލެވިފައިވާ ކަމަށް ދުނިޔޭގެ ސިއްޚަތު ޖަމުޢިއްޔާ (ޑަބްލިއުއެޗްއޯ) އިން ކަނޑައަޅައިފިއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ވަނީ މި ބަލި ރާއްޖެއިން ނައްތާލުމަށްޓަކައި މަސައްކަތްކުރި ސިއްޚީ ޚިދުމަތްތެރިންނަށް މަރުހަބާ ކިޔާފައެވެ.
ރުބެއްލާއަކީ ގައި ގަޔަށް އަރާ ބައްޔެކެވެ. ރުބެއްލާގެ އަލާމާތްތަކުގެ ތެރޭގައި ހުން އައުމާއި ގައިގައި ކުދި ބިހިތަކެއް ނެގުން ހިމެނެއެވެ. ފުރަތަމަ ބިހިތައް ނަގަން ފަށަނީ މޫނާއި ކަރުދަށުގައެވެ. އެއަށްފަހު މުޅި ގަޔަށް ބިހިތައް ފެތުރިގެންދެއެވެ.
ރުބެއްލާއަކީ އާންމުކޮށް ތުއްތު ކުދިންނަށް ޖެހޭ ބައްޔެކެވެ. މާބަނޑުއިރު މައިމީހާގެ ގައިން ބަނޑުގައި އޮންނަ ދަރިފުޅަށް ވެސް އަރާ އެވެ.
