ދިޕިކާގެ ފޮލޯވަރުންގެ އަދަދު 50 މިލިއަނަށް!
ދިޕިކާ ވަނީ ފޭނުންނަށް ޝުކުރުއަދާކޮށްފައި
ދިޕިކާ ޕަޑުކޯން
ބޮލީވުޑްގެ ކުޅާދާނަ ބަތަލާ ދިޕިކާ ޕަޑުކޯންގެ އިންސްޓަގްރާމް ފޮލޯވަރުންގެ އަދަދު 50 މިލިއަނަށް އަރައިފިއެވެ.
މިކަމާއި ގުޅިގެން ދިޕިކާ ވަނީ ސޯޝަލްމީޑިއާ ފޭން ކްލަބަށް ޝުކުރު އަދާކޮށްފައެވެ. އަދި ދިޕިކާގެ މި ކާމިޔާބީ ފާހަގަކޮށް ފޭނުން ގެންދަނީ ޚާއްސަ ކޮލާޖް އާއި ވީޑިއޯ ތައް ތައްޔާރުކޮށް ކޮމެންޓްތައް ކުރަމުންނެވެ.
ދިޕިކާ އަކީ އަބަދުވެސް އޭނާގެ ފޭނުންނާއި ގާތް ގުޅުމެއް ބާއްވަމުން އަންނަ ތަރިއެކެވެ. އޭނާއަށް ވަގުތު ވީ ވަރަކުން ފޭނުންނާއި ވާހަކަދައްކަމުންދެއެވެ.
މިދުވަސްކޮޅު ލޮކްޑައުންގެ ސަބަބުން ދިޕިކާ ވަގުތު ހޭދަކުރަމުން ގެންދަނީ ފިރިމީހާ ރަންވީރު ސިންގް އާއި އެކު ގޭގައެވެ.
ދިޕިކާ ޝޫޓް ކުރުމަށް ހަމަޖެހިފައިވާ ޝަކުން ބަޓްރާ ޑައިރެކްޓް ކުރާ ފިލްމް ކޮވިޑް-19 ޕެންޑަމިކް އާ ގުޅިގެން ވަނީ ހުއްޓިފައެވެ. މި ފިލްމްގެ ޝޫޓިންތައް ނެގުމަށް ހަމަޖެހިފައިވަނީ ސްރީލަންކާގައެވެ.
