ބޮލީވުޑްގައި އެންމެ ލޯބިން އުޅޭ އެއް ޖޯޑަކީ ދިޕިކާ ޕަދުކޯން އާއި ރަންވީރު ސިންގެވެ.
މިދިޔަ އަހަރުގެ ނޮވެމްބަރ މަހު ކައިވެނި ކުރި މި ދެތަރިން ސޯޝަލް މީޑިއާ ގައި ހިއްސާކުރާ ފޮޓޯ ތަކާއި ވީޑިއޯ ތައް އިންޓަނެޓްގައި ކުޑަ ހިނދުކޮޅެއްގެ ތެރޭގައި ވައިރަލް ވެގެން ދެއެވެ.
ދާދި ފަހުން މި ޖޯޑު ވަނީ "މެޑަމް ޓުސައުޑްސް" ގައި ވެކްސް އިން ހަދާފައިވާ ދިޕިކާގެ ސްޓެޗޫ ފުރަތަމަ ދައްކާލުމުގައި ބައިވެރިވުމަށް ލަންޑަނަށް ގޮސްފައެވެ.
ދިޕިކާގެ ސްޓެޗޫ ދައްކާލި ވަގުތު ދިޕިކާގެ އިންސްޓަގްރާމުން ލައިވް ކުރަމުން ދިޔައިރު އެ ސްޓެޗޫގެ ކައިރި ދިޕިކާ ހުއްޓިގެން ހުރި މަންޒަރުން ފޭނުން ވަނީ މޮޔަކޮށްލާފައެވެ.
ރަންވީރު ވަނީ މި ރީތި ސްތެޗޫގެ ކައިރި އޭނާ އާއި އެކު ދިޕިކާ އާއި ދިޕިކާގެ އާއިލާ ހުއްޓިގެން ތިއްބާ ނަގާފައިވާ ފޮތޯތައް ސޯޝަލް މީޑިއާ އެކައުންޓް ތަކުގައި ހިއްސާ ކޮށްފައެވެ.
އަދި ކެޕްޝަންގައި "ޑީޕީ 2.0 އޮރިޖިނަލް" ވަނީ ލިޔެފައެވެ.
ދިޕިކާ މިވަގުތު ކުރަމުންދާ މަސައްކަތްތަކަށް ބަލާއިރު ދެން އެންމެ އަވަހަށް ފެނިގެންދާނީ މެގްނާ ގުލްޒާރުގެ ފިލްމް "ޗަޕާކް" އިންނެވެ. ރަންވީރު ދެން އެންމެ އަވަހަށް ފެނިގެން ދާނީ ކަޕިލް ދޭވްގެ ބައޯޕިކް "83" އިންނެވެ.
