ސަލްމާންގެ ފޮލޯވަރުންގެ އަދަދު 30 މިލިއަނަށް އަރައިފި

ބޮލީވުޑް ސުޕަރ ސްޓަރ ސަލްމާން ޚާންގެ އިންސްޓަގްރާމް ފޮލޯވަރުންގެ އަދަދު 30 މިލިއަނަށް އަރައިފިއެވެ.

ފޮލޯވަރުންގެ އަދަދު 30 މިލިއަނަށް އެރިކަން ފާހަގަކޮށް ސަލްމާން އޭނާގެ އިންސްޓަގްރާމް ގައި ވަނީ ފޭނުންނަށް ޝުކުރު އަދާކޮށްފައެވެ. ސަލްމާން ހިއްސާކޮށްފައިވާ ވީޑިއޯގައި އެނާގެ ފޭނުންނަށް ސެލިއުޓް ކުރާ މަންޒަރު ފެނިގެންދެއެވެ.

އަދި އެ ވީޑިއޯގެ ކެޕްޝަންގައި "އޮއި މާ 30 މިލިއަން. ތެންކިޔު އޯލް" ލިޔެފައިވެއެވެ. "އޮއި މާ" އަކީ ސަލްމާން ކުޅެފައިވާ ފިލްމް "އަންދާޒް އަޕްނާ އަޕްނާ" ގައި އޭނާ ބޭނުންކުރަމުންދާ ބަހެކެވެ. ސަލްމާންގެ ފޮލޯވަރުން ގެ އަދަދު 30 މިލިއަނަށް އަރާފައިވީނަމަވެސް ސަލްމާނުގެ ތިބެނީ އެންމެ 08 ފޮލޯވަރުންނެވެ.

އުމުރުން 54 އަހަރުގެ ތަރި އެންމެ ފަހުން ފެނިގެން ގޮސްފައިވަނީ "ދަބަންގް3" އިންނެވެ. ދެން އެންމެ އަވަހަށް އޭނާ ފެނިގެންދާނީ "ރާދޭ" އިންނެވެ. މި ފިލްމު ރިލީޒް ކުރުމަށް ހަމަޖެހިފައިވަނީ މިއަހަރުގެ އީދާއި ދިމާކޮށް މޭ މަހުއެވެ.