އަންހެން ދަރީން ލިބި، އެ ދަރީން ހެޔޮ ގޮތުގައި ތަރުބިޔަތު ކޮށްފި މީހަކަށް، ނަރަކައިން ރައްކާތެރިވުމެއް ކަމުގައި އެދަރީން ވާ ކަން ފާހަގަކޮށް ދަރިންގެ ރަނގަޅު ގޮތުގައި ތަރުބިއްޔަތު ކުރުމަށް ހުކުރު ޚުތުބާގައި ގޮވާލައިފިއެވެ.
''އިސްލާމްދީނުގައި އަންހެނުންނަށް ދީފައިވާ ރައްކާތެރިކަން'' މިމައުޟޫއަށް ރާއްޖޭގެ އެކިކަންކޮޅުތަކަށް އިއްވި ހުކުރު ޚުތުބާގައި ބުނީ އިސްލާމް ދީނުގައި އަންހެން ކުދިން ދުނިޔޭގައި އުޅުމުގެ ހައްގު ފިރިހެން ކުދިންނާ ތަފާތު ކުރުމެއް ނެތި ދީފައިވާ ކަމަށެވެ. އަދި ދީނުގައި ތައުލީމާއި ތަރުބިޔަތު ދިނުމާއި، އޯގާތެރިވުމުގައި އަންހެނެއް ފިރިހެނެއް ތަފާތެއް ނުކުރާ ކަމަށެވެ.
ކީރިތި ރަސޫލާ ޙަދީޘް ކުރައްވާފައިވާ ބަސްފުޅެއްގެމާނައިގައި ވެއެވެ. "އަންހެން ދަރީން ލިބި، އެ ދަރީން ހެޔޮ ގޮތުގައި ތަރުބިޔަތު ކޮށްފިމީހަކަށް، ނަރަކައިން ރައްކާތެރިވުމެއްހިވުމެއް ކަމުގައި އެދަރީން ވެއެވެ.ޚުތުބާ
އަންހެން މީހާގެ ހުރިހައި ހައްގުތަކެއް ރައްކާތެރި ކުރެވިގެން ދިޔައީ އިސްލާމީ ޝަރީއަތް އައުމަށް ފަހުގައިކަން ފާހަގަކޮށް ޚުތުބާގައި ބުނީ އިސްލާމީ ޝަރީއަތުގައިވާ ގޮތަށް އަމަލުތައް ބަހައްޓައިފިނަމަ، އަންހެނުންގެ ހައްގުތައް ގެއްލިގެންނެއް ނުދާނެ ކަމަށާއި، އަންހެނުންގެ ހައްގުތައް ރައްކާތެރިކުރެވިފައި ވަނީ އިސްލާމް ދީނުގައި ކަމަށެވެ.
ޚުތުބާގައި ބުނީ އިސްލާމީ ޝަރީއަތާ އެއްގޮތަށް އަމަލުކޮށްފި ކަމުގައިވާނަމަ ރަނގަޅު މުޖުތަމައެއް ބިނާކުރެވޭނެ ކަމަށާއި، އަންހެނުންނަށް ލިބޭ ގެވެށި އަނިޔާތައް ހުއްޓޭނެ ކަމަށެވެ. އިޖުތިމާއީ ގޮތުންނާއި، އާއިލީ ގޮތުންކަމުގައި ހައްލު ލިބިގެންދާއިރު، އަންހެނުންނަށް ޖިސްމާނީ ގޮތުންނާއި ނަފްސާނީ ގޮތުން ލިބިދާނެ ހުރިހައި ރައްކާތެރިކުރުމަށް އެޅޭނެ ހުރިހައި ފިޔަވަޅެއް އިސްލާމްދީނުގައި އަޅާފައިވާކަން ޚުތުބާގައި ވަނީ ފާހަގަކޮށްފައެވެ. އެގޮތުން މުޖުތަމައުގެ ދުޅަހެޔޮކަމާއި އަމާންކަން އިސްލާމީ ޝަރީއަތުގައި ކަނޑައެޅިފައިވާ މިންތަކާއި އިންތަކުގައި ހިފަހައްޓުމަށް ގޮވާލެއްވިއެވެ.
ޚުތުބާގައި ބުނީ އަންހެން ދަރިންނަށް ތައުލީމާއި ތަރުބިޔަތު ދިނުމަށް އިސްލާމް ދީނުގައި ވަރަށް ބޮޑަށް ބާރު އަޅާ ކަމަށާއި، ތައުލީމު އުނގެނުމުގައި އަންހެން ޖިންސު މިކަމުން މަޙުރޫމު ނުކުރާ ކަމަށެވެ.
ތައުލީމު ދިނުމާ މެދު ކީރިތި ރަސޫލާ ގެ ޙަދީޘް ކުރައްވާފައިވެއެވެ. '' "އަންހެން ދަރިޔަކު އަކު ލިބި އެދަރިފުޅަށް ޢިލްމު އުނގަންނައިދީ، ހެޔޮ ގޮތުގައި ތަރުބިޔަތު ކޮށްފި މީހަކަށް ދެހެޔޮކަން ލިބިގެން ވެއެވެ." މިގޮތުން ރަސޫލާގެ އަނބިކަނބަލުން އުއްމުލް މުއުމިނީން ޢާއިޝަތުގެފާނަކީ، ޙަދީޘް ރިވާކުރެއްވި ބޭކަނބަލެކެވެ. އެކަމަނާ ޢިލްމު އުނގެނިވަޑައިގެން، އެހެން މީހުންނަށް އުނގަންނަވައި ދެއްވިއެވެ. މިކަމުން ވެސް އެނގެނީ، އަންހެން ދަރިންނަށް ތަޢުލީމާއި ތަރުބިޔަތު ދިނުމަށް އިސްލާމް ދީން ބާރުއަޅާމިންވަރެވެ. އަދި އިސްލާމް ދީނުގައި، އަންހެން ޖިންސު މިކަމުން މަޙުރޫމު ނުކުރާކަމެވެ.ޚުތުބާ
ކައިވެންޏަކީ އަންހެން ކުއްޖެއްގެ ހަޔާތުގައި ނިންމޭ އެންމެ މުހިންމު ނިންމުންކަން ފާހަގަކޮށް ޚުތުބާގައި ބުނީ އެކުދިން ރުހޭ މީހަކާ ކައިވެނި ކުރުމުގެ ހައްގު ދީނުގައި ދީފައިވާ ކަމަށާއި، މަޖުބޫރުން ކައިވެނި ކުރުވުން ހުއްދުނުވާ ކަމަށެވެ. އަދި ކައިވެންޏަށްފަހު ވެސް ފިރިމީހާ އަނބިމީހާ އަށް އަނިޔާވެރިވުން ނަހީކުރެއްވާ ކަމަށާއި، ހެޔޮގޮތުގައި އެކަނބަލުންނާ އެކު އުޅެވެންވެން ނެތް ނަމަ، އެކަނބަލުން ހެޔޮ ގޮތުގައި ދޫކޮށްލުމަށް ވެސް އަމުރު ކޮށްފައިވާ ކަމަށް ޚުތުބާގައިވެއެވެ.
ޚުތުބާގައި ބުނީ އިސްލާމް ދީނުގައި އަންހެން މީހާގެ މުދާ ރައްކާތެރި ކުރެއްވި ކަމަށާއި، އަނބިމީހާގެ ހުއްދަ ނެތި، ފިރިމީހާ، އޭނާގެ މުދާ ބޭނުން ކުރުން ޙަރާމް ކުރެއްވި ކަމަށެވެ. އަދި އަނބިމީހާ އަށް ލިބޭ މުދާ އާއިލާ އާއި ދަރިންގެ މައްޗަށް ޚަރަދުކުރުން އޭނާގެ މައްޗަށް މަޖުބޫރު ނުވި ނަމަވެސް ފިރިމީހާ އޭނާގެ މުދަލުން އޭނާގެ އަނބިދަރިންގެ މައްޗަށް ޚަރަދު ކުރުމަކީ ވާޖިބު ކުރައްވާފައިވާ ކަމަށް ޚުތުބާގައިވެއެވެ.
