އަންގާރަ 14 ޖުލައި 2020
14 ފުނޯސް
1441 ޒުލްގައިދާ 23
ފަތިސް 04:42
އިރުއަރާ 06:00
މެންދުރު 12:16
އަސްރު 15:38
އިރުއޮއްސޭ 18:24
އިޝާ 19:41
ރައީސް ސޯލިހް

ރައީސް ސޯލިހްގެ ނޫސްވެރިންގެ ބައްދަލުވުމެއް، މިއަދު ހަވީރު

  • ފަތުރުވެރިކަމަށް ރާއްޖޭ ހުޅުވާލާ ތާރީހް އިއުލަންކުރާނެ
  • ސަރުކާރުގެ މަސައްކަތްތައް ފަށާނެ ގޮތުގގެ ޕްލޭން ހިއްސާކުރައްވާނެ

ކ. މާލެ | 23 ޖޫން 2020 | އަންގާރަ 14:17 | 2,406

ރައީސް ސޯލިހް އެންމެފަހުން ބޭއްވެވި ނޫސްވެރިންގެ ބައްދަލުވުމުގެ ތެރެއިން - ރައީސް އޮފީސް

މިއަދު ހަވީރު 16:30 ގައި ރައީސް އިބްރާހިމް މުހައްމަދު ސޯލިހު، ނޫސްވެރިންނާ ބައްދަލު ކުރައްވަން ނިންމަވައިފި އެވެ.

މިކަން ހާމަކޮށް ރައީސް އޮފީހުގެ ތަރުޖަމާން އިބްރާހިމް ހޫދު ކޮށްފައިވާ ޓުވީޓެއްގައި ވިދާޅުވީ، މިއަދު ހަވީރު 16:30 ގައި ރައީސް ސޯލިހު ބައިވެރިވެވަޑައިގަންނަވާ ނޫސްވެރިންގެ ބައްދަލުވުމެއް ރައީސް އޮފީހުގައި އޮންނާނެ ކަމަށެވެ. ބެލެވޭ ގޮތުގައި މިއަދު، ބާއްވާ ނޫސްވެރިންގެ ބައްދަލުވުމުގައި ސަރުކާރު އަލުން ހުޅުވާލާނެ ތާރީހާއި، ފަތުރުވެރިކަމުގެ ދާއިރާ އަލުން ހުޅުވާލާނެ ތާރީހުވެސް އިއުލާންކުރެވިގެން ދާނެއެވެ.

ކޮވިޑް-19ގެ ސަބަބުން ފަތުރުވެރިކަމުގެ ދާއިރާ ހުއްޓި ރާއްޖޭގެ އިގްތިސާދު އަނދަވަޅަކަށް ވެއްޓިފައިވާއިރު، ބަލި ކޮންޓްރޯލް ކުރުމަށް އެޅި ފިޔަވަޅުތަކާއެކު, ލިބުނު ކުރިއެރުންތަކުގެ ސަބަބުން ޤައުމު ހުޅުވާލުމަށް އެކުލަވާލާފައިވާ ޕްލޭން ނޫސްވެރިންގެ ބައްދަލުވުމުގައި ހިއްސާ ކުރެވިގެންދާނެކަމަށް ބެލެވެއެވެ. އަދި ސަރުކާރުގެ ސިޔާސަތުތަކުގެ މައުލޫމާތު އެމަނިކުފާނު ހިއްސާކުރައްވާނެ އެވެ.

ރައީސް ސޯލިހް ނޫސްވެރިންގެ ބައްދަލުވުމެއް މި ބާއްވަވަނީ ގިނަ ދުވަސްތަކެއްގެ މެދުކެނޑުމަކަށްފަހު އެވެ. އެމަނިކުފާނު އެންމެފަހުން ނޫސްވެރިންގެ ބައްދަލުވުމެއް ބާއްވަވާފައިވަނީ މާލެ ސަރަހައްދު ލޮކްޑައުންކުރުމުގެ ކުރިން، ދަރުބާރުގޭގަ އެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.