ކޮވިޑް-19 އަށް ޕޮޒިޓިވްވި ދެ މީހަކަށް ވެންޓިލޭޓަރުގައި ފަރުވާދެމުންދަނީ
21 ޖޫން 2020 | އާދީއްތަ 02:21ޓްރީޓޮޕް ހޮސްޕިޓަލްގައި އަންނަނީ ތިން މީހަކަށް ފަރުވާދެމުން
ޓްރީޓޮޕް ހޮސްޕިޓަލް- މި ހޮސްޕިޓަލް ވަނީކޮވިޑް-19 ގެ ބަލި މީހުންނަށް ޚާއްސަ ކުރެވިފައި
ރާއްޖޭގައި މިވަގުތު ކޮވިޑް-19 އަށް ޕޮޒިޓިވްވެފައިވާ މީހުންގެ ތެރެއިން ދެ މީހަކަށް ވެންޓިލޭޓަރަށް ލައިގެން ފަރުވާދެމުންދާ ކަމަށް ނެޝަނަލް އިމަރޖެންސީ އޮޕަރޭޝަން ސެންޓަރ (އެންއީއޯސީ) ން ބުނެފިއެވެ.
ހޮނިހިރު ދުވަހުގެ ރޭ އެންއީއޯސީން ބޭއްވި ނޫސްވެރިންގެ ބައްދަލުވުމުގައި ހެލްތު ޕްރޮޓެކްޝަން އެޖެންސީ (އެޗްޕީއޭ) ގެ އެޕިޑެމިއޮލޮޖިސްޓް ޑރ. އިބްރާހީމް އަފްޒަލް ވިދާޅުވީ ވެންޓިލޭޓަރަށް ލާފައި ވަނީ ޓްރީޓޮޕް ހޮސްޕިޓަލުގައި ފަރުވާ ދެމުންދިޔަ މީހަކަށާއި ހުޅުމާލެ މެޑިކަލް ފެސިލިޓީގައި ފަރުވާ ދެމުންދިޔަ މީހަކު ކަމަށެވެ. މިވަގުތު ޓްރީޓޮޕް ހޮސްޕިޓަލުގައި ފަރުވާދެމުން ގެންދަނީ ކޮވިޑް-19 ޖެހިފައިވާ ތިން މީހަކަށް ކަމަށާއި ހުޅުމާލެ މެޑިކަލް ހޮސްޕިޓަލްގައި ފަރުވާ ދެމުންދަނީ 08 މީހަކަށް ކަމަށް ޑރ. އަފްޒަލް ވިދާޅުވިއެވެ.
އަދި މިވަގުތު ދަރުމަވަންތަ ހޮސްޕިޓަލްގެ 11 ވަނަ ފަންގިފިލާގައި އެއްވެސް މީހަކަށް ފަރުވާދެމުންނުދާ ކަމަށް ޑރ އަފްޒަލް ވަނީ ފާހަގަކުރައްވާފައެވެ.
ރާއްޖޭގައި ކޮވިޑަށް ޕޮޒިޓިވްވި މީހުންގެ އަދަދުވަނީ 2187ށް އަރާފައެވެ. މީގެތެރެއިން ރަނގަޅުވެފައިވަނީ 1788 މީހުންނެވެ. އެހެންކަމުން މި ވަގުތު އެކްޓިވް ކޭސްތަކުގެ އަދަދު އުޅެނީ 389 ގައެވެ.
ރާއްޖޭގައި ކޮވިޑް-19 ޖެހިގެން 8 މީހަކު ވަނީ ނިޔާވެފައެވެ.
