މާމެންދޫން އަނެއްކާވެސް ދެ މީހަކު ޕޮޒިޓިވްވެއްޖެ
20 ޖޫން 2020 | ހޮނިހިރު 13:39ކޮންޓެކްޓް ޓްރޭސިންގެ މަސައްކަތް ދަނީ ކުރިޔަށް
ގއ. މާމެންދޫ: ތިން މީހަކު ވަނީ ކޮވިޑަށް ޕޮޒިޓިވްވެފައި
ގއ. މާމެންދޫން އިތުރު ދެ މީހަކު ކޮވިޑް-19ށް ޕޮޒިޓިވްވެއްޖެ އެވެ.
މާމެންދޫން ކޮވިޑުގެ ކޭސްއެެއް އެންމެ ފުރަތަމަ ރިޕޯޓު ކުރެވިފައިވަނީ އެ ރަށުގެ ހޯމް ކަރަންޓީނުގައި ހުރި 28 އަހަރުގެ ޒުވާނެކެވެ. ރާއްޖެ.އެމްވީ އަށް މައުލޫމާތު ދެއްވަމުން ގއ. އަތޮޅު ކައުންސިލްގެ ރައީސް އަހުމަދު ފުއާދު ވިދާޅުވީ، ދެ މީހަކު ޕޮޒިޓިވްވެފައިވާ ކަމަށް އެޗްޕީއޭ އިން އަންގާފައިވާ ކަމަށާއި، އެ ދެ މީހުންނަކީ ފުރަތަމަ އަށް ޕޮޒިޓިވްވި މީހާއާ އެއް ގެއެއްގައި ހޯމް ކަރަންޓީނުގައި ތިބި ދެ މީހުން ކަމަށެވެ. އެ ރަށުގެ ކޮންޓެކްޓް ޓްރޭސިން ހެދުމުގެ މަސައްކަތްތައް ދަނީ މިހާރު ކުރަމުންނެވެ.
މާމެންދޫއިން މީހަކު ކޮވިޑަށް ޕޮޒިޓިވްވެފައިވަނީ މާލެއިން ކޭސްއެއް ފެނުމާއި ގުޅިގެން ރަށްރަށުގައި އަޅާފައިވާ ފިޔަވަޅުތައް ބާތިލުކޮށްފައި ވަނިކޮށެވެ. ރާއްޖެއިން ބޭރު އަންނަ މީހުންނާއި، މާލެއިން ރަށްރަށަށްދާ މީހުން ގޭގައި ކަރަންޓީނުވާ މުއްދަތަކީ 14 ދުވަސް ކަމަށް ކަނޑައަޅައި، ހޯމް ކަރަންޓީނުގެ 14 ދުވަސް ތެރޭގައި ޕީސީއާރު ޓެސްޓުކުރާ ގޮތަށް ޓެކްނިކަލް އެޑްވައިޒަރީ ގްރޫޕް (ޓެގް) އިން ވަނީ ނިންމާފައެވެ
