ކުޑަކުދިންގެ ހައްޤުތައް ރައްކާތެރިކުރުމުގެ ޤާނޫނުގެ ދަށުން އައްޔަނުކުރާ ޗިލްޑްރަންސް އޮމްބަޑްސްޕަރސަންއަށް މުސާރައާއި އިނާޔަތުގެ ގޮތުގައި 35،000ރ. ދިނުމަށް ރައްޔިތުންގެ މަޖިލީހުން ފާސްކޮށްފިއެވެ.

ރައްޔިތުންގެ މަޖިލީހުގެ އަންގާރަ ދުވަހުގެ ޖަލްސާގައިވަނީ ޗިލްޑްރަންސް އޮމްބަޑްސްޕަރސަން ކަނޑައަޅާނެ މުސާރަ އާއި އިނާޔަތާއި ގުޅޭގޮތުން މާލިއްޔަތު ކޮމިޓީން ދިރާސާކޮށްފައިވާ ރިޕޯޓަށް ވޯޓަށް އަހާފައެވެ. މި ރިޕޯޓް ފާސްކުރުމަށް ނެގުނު ވޯޓުގައި ބައިވެރިވެ ވަޑައިގެންނެވި 63 މެމްބަރުންގެ އިއްތިފާގުން ވަނީ ރިޕޯޓް ފާސްކުރުމަށް ވޯޓު ދެއްވާފައެވެ.

ކުޑަކުދިންގެ ހައްޤުތައް ރައްކާތެރިކުރުމުގެ ޤާނޫނުގެ 121 ވަނަ މާއްދާގައި ޗިލްޑްރަންސް އޮމްބަޑްސްޕަރސަންއަށް ދެވޭ މުސާރައާއި އިނާޔަތް ކަނޑައަޅާނީ ރައްޔިތުންގެ މަޖިލީހުން ކަމަށް ވަނީ ބަޔާންކޮށްފައެވެ. ކޮމިޓީން ނިންމާފައިވަނީ މުސާރައިގެ ގޮތުގައި 25،000ރ. އަދި އެލަވަންސްގެ ގޮތުގައި 10،000ރ. ކަނޑައެޅުމާއެކު، ޖުމްލަ މުސާރައާއި އިނާޔަތުގެ ގޮތުގައި 35،000ރ. ކަނޑައެޅުމަށެވެ.

ކޮމިޓީން 35،000ރ. ޗިލްޑްރަންސް އޮމްބަޑްސްޕަރސަން އަށް ކަނޑައަޅަން ނިންމީ އެ މަގާމުގެ މަސްއޫލިއްޔަތުތަކަށާއި ކޮމިޓީއަށް ލިބިފައިވާ މައުލޫމާތަށް ރިޢާޔަތްކޮށް ދާއިމީ ކޮމިޝަންތަކުގެ ރައީސުންގެ މަޤާމުގެ މަސްއޫލިއްޔަތަށް ބަލާއިރު އެމަގާމުގެ މަސްއޫލިއްޔަތުތައް ކުޑަވާނެކަމަށް ބެލެވޭތީކަމަށް ކޮމިޓީ ރިޕޯޓްގައި ވަނީ ބުނެފައެވެ.

މިކަމުގައި ނޭޝަނަލް ޕޭކޮމިޝަނާއި ފިނޭންސް މިނިސްޓްރީން ކޮމިޓީއަށް އަރުވާފައިވާ ލަފާގައި ބުނެފައިވަނީ އެ މަގާމުގެ މަސްއޫލިއްޔަތުތަކާއި މަގާމުގެ ޝަރުތާއި މަގާމުގެ މުއްދަތަށް ރިޢާޔަތްކުރާއިރު އެމަޤާމުގެ މުސާރައިގެ ގޮތުގައި ޤާނޫނު އަސާސީގައި ބަޔާންކޮށްފައިވާ ދާއިމީ ކޮމިޝަންތަކުގެ ރައީސްގެ މަގާމަށް ކަނޑައަޅާފައިވާ މުސާރަ އާއި އިނާޔަތްތައް ހަމަޖެއްސުމަށް ފެންނަކަމަށެވެ.

ޗިލްޑްރަންސް އޮމްބަޑްސްޕަރސަންގެ މަސްއޫލިއްޔަތުތަކުގެ ތެރޭގައި ހިމެނެނީ: