މަޖިލީހުގެ ޖަލްސާތައް ބޮއިކަޓް ކުރަން ނިންމާފައިނުވާކަމަށް ޖޭޕީން ބުނެފި
އިދިކޮޅު ޕީޕީއެމް/ޕީއެންސީން ވަނީ ޖަލްސާ ބޮއިކަޓް ކޮށްފައި
ޖުމްހޫރީ ޕާޓީގެ ލީޑަރ އަދި މާމިގިލި ދާއިރާގެ މެމްބަރ ގާސިމް އިބްރާހީމް
ރައްޔިތުންގެ މަޖިލީހުގެ ޖަލްސާތައް ބޮއިކަޓް ކުރަން ޖުމްހޫރީ ޕާޓީން ނިންމާފައި ނުވާނެކަމަށް އެޕާޓީން ބުނެފި އެވެ.
އަންގާރަ ދުވަހުގެ ޖަލްސާގައި ވާހަކަ ދައްކަވަމުން ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވީ ޖުމްހޫރީ ޕާޓީން ޖަލްސާތައް ބޮއިކަޓް ކޮށްފައިވާކަން ފާހަގަކުރެވިފައިވާ ކަމަށެވެ.
އިދިކޮޅު ޕީޕީއެމް / ޕީއެންސީގެ މެންބަރުން ވަނީ ޖަލްސާ ބޮއިކަޓް ކޮށްފަ އެވެ. އިދިކޮޅު މެންބަރުން ޖަލްސާ ބޮއިކޮޓް ކުރީ މިދިޔަ ހޯމަ ދުވަހުގެ ރޭ ދަންވަރު ބޭއްވި ޖަލްސާގައި ހިނގި ހަމަނުޖެހުންތަކުގެ ތެރެއިން އެ ކޯލިޝަންގެ ޕީޕީއެމްގެ ނައިބު ރައީސް އަދި ނައިފަރު ދާއިރާގެ މެންބަރު އަހުމަދު ޝިޔާމުގެ ނަން އިއްވުމާއެކު ހިނގި ހަމަނުޖެހުންތަކުގައި ޝިޔާމަށް އަނިޔާވުމާ ގުޅިގެންނެވެ.
ސަރުކާރު ހިންގާ ކޯލިޝަންގައިވެސް ހިމެނޭ ޖުމްހޫރީ ޕާޓީން ޖަލްސާތައް ބޮއިކަޓް ނުކުރާކަމަށް ޖޭޕީގެ ޗީފް ސްކޯޕްކްސްޕާސަން އަލީ ސޯލިހު ވިދާޅުވަމުން ވިދާޅުވީ އަންގާރަ ދުވަހުގެ ޖަލްސާގައިވެސް ޖޭޕީގެ މެމްބަރުން ބައިވެރިވާނެ ކަމަށެވެ.
އަލީ ސޯލިހު ވިދާޅުވީ ޖަލްސާތައް ބޮއިކަޓް ކޮށްފައިވާކަން ޖޭޕީގެ ޕީޖީ ގްރޫޕުން ދޮގުކުރާ ކަމަށެވެ. ޖޭޕީ އަށް ނިސްބަތްވެވަޑައިގަންނަވާ 5 މެމްބަރުން މަޖިލީހުގައި ތިއްބަވަ އެވެ.
