ހުޅުމާލެ މެޑިކަލް ފެސިލީޓީގައި ފަރުވާދޭން ފަށައިފި
7 ޖޫން 2020 | އާދީއްތަ 17:42ބަލި މީހާ ގެންދިޔައީ ޓްރީޓޮޕް ހޮސްޕިޓަލުން
ހުޅުމާލެ މެޑިކަލް ފެސިލިޓީއަށް ފުރަތަމަ ބަލިމީހާ ގެންދަނީ
ކޮވިޑް-19 އަށް ފަރުވާ ދިނުމަށް ސަރުކާރުން ހުޅުމާލެ ގައި ގާއިމްކުރި މެޑިކަލް ފެސިލީޓީއަށް ފުރަތަމަ ބަލި މީހާ ގެންގޮސްފިއެވެ.
ހުޅުމާލެ މެޑިކަލް ފެސިލިޓީއަށް ފުރަތަމަ ބަލި މީހާ ގެންގޮސްފައި ވަނީ ޓްރީޓޮޕް ހޮސްޕިޓަލުންނެވެ. އެ މީހާ ގެންގޮސްފައި ވަނީ އާދިއްތަ ދުވަހުގެ ހަވީރު 17:35 ހާއިރުއެވެ. އެ ފެސިލިޓީއަށް ބޭނުންވާ ޕަރސަނަލް ޕްރޮޓެކްޓިވް އިކިއުޕްމެންޓް (ޕީޕީއީ) ގެ އިތުުރުން މެޑިކަލް ސާމާނުތައް މިދޔަ ހަފްތާގެ ބުރާސްފަތި ދުވަހު އެސްޓީއޯއިން ވަނީ ފޯރުކޮށްދީފައެވެ.
ޓްރީޓޮޕް ހޮސްޕިޓަލް ކައިރީގައި ގާއިމްކުރި ފެސިލިޓީގެ މަސައްކަތް ނިންމައި އެތަން އައިޖީއެމްއެޗާއި ހަވާލުކޮށްފައި ވަނީ މޭ މަހުގެ ފަހުކޮޅުއެވެ. ކޮވިޑް ޖެހިފައިވާ މީހުންނަށް ފަރުވާ ދިނުމަށް ހާއްސަ ކުރެވިގެން ގާއިމްކުރެވުނު ހޮސްޕިޓަލުގައި، 300 އެނދު ހުރެއެވެ.
މެޑިކަލް ފެސިލިޓީ އިމާރާތްކުރުމަށް ހަރަދުކުރި 12 މިލިއަން ރުފިޔާއާއި، ހޮސްޕިލަށް ބޭނުންވާ އެހެނިހެން ސާމާނު ގަތުމަށާއި ސިއްހީ އާލާތްތައް ގަތުމަށް ހަރަދުކުރި 28 މިލިއަން ރުފިޔާއާއިއެކު، މި މަޝްރޫއަށް ސަރުކާރުން ވަނީ ޖުމްލަ 40 މިލިއަން ރުފިޔާ ހަރަދުކޮށްފައެވެ.
