ކޮވިޑް-19އާ ގުޅިގެން ނިއުޒިލޭންޑުގައި އަޅާފައިވާ ހުރިހާ ފިޔަވަޅުތަކަށް އަންނަ ހަފުތާގައި އުވާލާނެ ކަމަށް އެ ޤައުމުގެ ސަރުކާރުން ހާމަކޮށްފި އެވެ.

އެ ޤައުމުގެ ޕްރައިމް މިނިސްޓަރު ޖެސިންޑަރ އަރޑެން ވިދާޅުވީ ކޮވިޑް-19 އާ ގުޅިގެން އަޅާފައިވާ ހުރިހާ ފިޔަވަޅުތައް އަންނަ ހަފުތާއިން ފެށިގެން އުވާލަން ނިންމާފައިވާ ކަމަށެވެ.

މިނިސްޓަރު ވިދާޅުވީ އެ ޤައުމުގައި މިހާރު ކޮވިޑް-19 ނައްތާލެވިފައިވާ ކަމަށެވެ. އަދި ވިދާޅުވީ ފިޔަވަޅުތައް އުވާލާ އެލަރޓް ލެވަލް އެކަކަށް ދާނެ ކަމަށެވެ. މީގެ އިތުރުން މިނިސްޓަރު ވިދާޅުވީ އެކި ޙަރަކާތްތައް ކުރިއަށް ގެންދެވޭނެ ކަމަށާއި، އިޖުތިމާޢީ ގައިދުރުކަމާއެކު އެއްވުންތައް ބޭއްވޭނެ ކަމަށެވެ.

ކޮވިޑް-19އާ ގުޅިގެން ނިއުޒިލޭންޑުގައި އަޅާފައިވާ ހުރިހާ ފިޔަވަޅުތަކެއް އަންނަ ހަފުތާގައި އުވާލަން ނިންމި ނަމަވެސް ބޯޑަރު ހުޅުވާ ނުލާ ބަންދު ކޮށްފައި ބޭއްވުމަށް އެޤައުމުގެ ސަރުކާރުން ވަނީ ނިންމާފަ އެވެ.

ނިއުޒިލޭންޑުން ކޮވިޑް-19ގެ ކޭސްއެއް ނުފެންނަތާ 11 ދުވަސް ވެއްޖެއެވެ. އަދި މުޅި ޤައުމުގައި ވެސް ކޮވިޑް-19އަށް ފަރުވާ ހޯދަމުން ދަނީ އެންމެ ބަލި މީހެކެވެ.