ހއ އަތޮޅުން ފެށިގެން ނ އަތޮޅަށް ވައިޓް އެލަރޓް ނެރެފި
އަންގާރަ ދުވަހުގެ ފަތިހު 5:45 ން ފެށިގެން ހެނދުނު 09:00 އާ ހަމައަށް އެސަރަހައްދަށް ބޯކޮށް ވާރޭވެހުމާއެކު ގުގުރާނެ
ކަނޑުގަދަ ދުވަހެއްގައި ދަތުރު ކުރަނީ
ހއ އަތޮޅުން ފެށިގެން ނ އަތޮޅަށް ވައިޓް އެލަރޓް ނެރެފި އެވެ.
މޫސުމާއި ބެހޭ ޤައުމީ އިދާރާއިން ބުނީ އަންގާރަ ދުވަހުގެ ފަތިހު 5:45 ން ފެށިގެން ހެނދުނު 09:00 އާ ހަމައަށް އެސަރަހައްދަށް ބޯކޮށް ވާރޭވެހުމާއެކު ގުގުރާނެ ކަމަށެވެ.
މީގެއިތުރުން އަންގާރަ ދުވަހުގެ ރޭގެ 8 ޖެހުމާ ހަމައަށް އުތުރުގެ އެކިހިސާބަށާއި މެދުތެރޭ ބައެއް ރަށްތަކަށް ވިއްސާރަ ކުރުމާއިއެކު ގުގުރުން އެކަށީގެންވާ ކަމަށާއި ދެކުނު އަތޮޅުތަކުގެ މޫސުން އާންމުގޮތެއްގައި ރަނގަޅުވާނެ ކަމަށް މެޓް އޮފީހުން ބުނެ އެވެ.
އުތުރާއި މެދުތެރޭގެ އަތޮޅުތަކަށް، ދެކުނާއި ހުޅަނގުދެކުނުން ގަޑިއަކު 10 މޭލާއި 20 މޭލާ ދެމެދުގެ ބާރު މިނުގައި ވައި ޖެހޭނެ ކަަމަށް މެޓް އޮފީހުން ބުނެ އެވެ. އަދި ދެކުނުގެ އަތޮޅުތަކަށް އިރުދެކުނާއި ދެކުނުން ގަޑިއަކު 5 މޭލާއި 15 މޭލާ ދެމެދުގެ ބާރު މިނުގައި ވައި ޖެހޭނެ ކަމަށާއި ވިލާގަނޑުގައި ގަޑިއަކު ގާތްގަނޑަކަށް 35 މޭލު ބާރުމިނަށް ވައިގަދަވުން އެކަށީގެން ވާ ކަމަށްވެސް މެޓް އޮފީހުން ބުނެ އެވެ.
އުތުރާއި މެދުތެރޭ އަތޮޅުތަކުގެ އާދައިގެވަރަކަށް ގަދަވެފައި ވިލާގަނޑުގައި ގަދަވާނެ އަދި ދެކުނުގެ އަތޮޅުތަކުގެ ކަނޑުތައް އާދައިގެވަރަކަށް މަޑުވާނެ ކަމަށް މެޓް އޮފީހުން ބުނެ އެވެ.
