34 ދުވަސް ފަހުން ނަރުދޫ އާންމު ހާލަތަށް
30 މެއި 2020 | ހޮނިހިރު 20:3511 މީހަކު ޕޮޒިޓިވްވި
އަމާޒު ބޯޓް - މި ބޯޓުގެ ކެޕްޓަނަކީ ނަރުދޫ މީހެއް
ކޮވިޑް-19 ގެ ކޭސްތަކެއް ފެނުމުން މޮނިޓަރިންގެ ހާލަތަށް ގެނައި ށ. ނަރުދޫ އާންމު ހާލަތަށް ގެނެސްފި އެވެ.
ނަރުދޫ މޮނިޓަރިންގެ ހާލަތަށް ގެންދިޔައީ އޭޕްރީލް މަހުގެ 25 ވަނަ ދުވަހު އެ ރަށު މީހަކު ކޮވިޑް-19 އަށް ޕޮޒިޓިވްވުމުންނެވެ. އާންމު ހާލަތަށް ނަރުދޫ ގެންގޮސްފައިވަނީ ހުކުރު ދުވަހުގެރޭ އެވެ.
ޕޮޒިޓިވްވީ އެ ރަށު އަމާޒު ބޯޓު ކައްޕި އެވެ. އެމީހާ އެ ބައްޔަށް ޕޮޒިޓިވްވީ ބަލީގެ އަލާމާތްތައް ފެނިގެން ސިއްހީ މަރުކަޒަށް ދެއްކުމުން ހެދި ޓެސްޓުތަކުންނެވެ.
އެމީހާއާ އެކު އެރަށުން 11 މީހަކު ކޮވިޑަށް ޕޮޒިޓިވްވި އެވެ. އޭގެތެރެއިން ހަ މީހަކު ވަނީ މިހާރު ބަލިން ފަސޭހަވެފައި އެވެ.
އާބާދީގައި 648 މީހުން ދިރިއުޅޭ ނަރުދޫ މޮނިޓަރިންގެ ހާލަތަށް ގެންގޮސް 80ށް ވުރެ ގިނަ މީހުންގެ ސާމްޕަލް ނެގިއެވެ. އެ ސާމްޕަލްތައް ވަނީ ނެގެޓިވްވެފައިއެވެ. ނަރުދޫގެ އަމާޒު ބޯޓުން ދަތުރުކުރި އެހެން ރަށްތައްވެސް މޮނިޓަރިންގެ ހާލަތަށް ގެންދިޔަ އެވެ.
