ކ. މާލެ
|
5 ޖޫން 2017 | ހޯމަ 00:37
ބާސެލޯނާގެ ތަރި މެސީ އެކުލަބުގެ ކުރީގެ ކޯޗް އެންރީކޭ އާއި އެކު
ބާސެލޯނާގެ ތަރި މެސީ އެކުލަބުގެ ކުރީގެ ކޯޗް އެންރީކޭ އާއި އެކު
ގޯލް.ކޮމް
ބާސެލޯނާ
އެންރީކޭ އާއި އެކު ހޭދަކުރީ އުފާވެރި ދުވަސްތަކެއް: މެސީ
 
އެންރީކޭގެ އިރުޝާދުގެ ދަށުގައި ބާސާއިން ވަނީ 9 ތަށި އުފުލާލާފަ
 
އެންރީކޭގެ ފަހު މެޗުގައި ބާސާއިން ވަނީ ސްޕެނިޝް ކަޕް އުފުލާލާފަ

ބާސެލޯނާގެ ކުރީގެ ކޯޗް ލުއިސް އެންރީކޭ އާއި އެކު ހޭދަކުރީ އުފާވެރި ދުވަސްތެކެއް ކަމަށް އެޓީމުގެ ތަރި ލިއޮނެލް މެސީ ބުނެފިއެވެ.

ކޮޕާ ޑެލްރޭގެ ތަށި ބާސާއަށް ކާމިޔާބު ކޮށްދިނުމަށްފަހު ދާދި ފަހުން އެޓީމުގެ ކޯޗުކަމުގެ މަގާމުން ވަކިވި ކޯޗް ލުއިސް އެންރީކޭ އާއި ގުޅޭގޮތުން ވާހަކަ ދައްކަމުން މެސީ ބުނަފައިވަނީ، މިސީޒަނުގައި ބާސާއަށް މާ އެދެވޭ ނަތީޖާއަކެއް ނެރެވިފައި ނެތް ނަމަވެސް، ބާސާގައި އެންރީކޭ ހޭދަކުރި ދުވަސްތަކަކީ ވަރަށް ކާމިޔާބު ދުވަސްތަކެއް ކަމަށެވެ.

އެގޮތުން މެސީ ބުނީ، ނާކާމިޔާބީގެ ދަނޑިވަޅުތަކުގައި ހުރިހާ ކުޅުންތެރިން އެކަތިގަނޑަކަށް ހެދުމަށްޓަކާ އެންރީކޭ ވަރަށް ބޮޑަށް މަސައްކަތް ކުރާ ކަމަށާއި، ޙާއްސަކޮށް މުޅި ޓީމު އެންމެ ބޮޑަށް އޭނާއަށް ބޭނުންވާ ދަނޑިވަޅުތަކުގައި އެއްގޮތަކަށްވެސް ފަރުވާ ކުޑަކޮށް ނުލާކަމަށެވެ. އަދި ކޮންމެ ނާކާމިޔާބީ އަކަށް ފަހުގައި ޓީމު އަލުން އެކަތި ގަނޑަކަށް ހަދައި އަލުން ކުޅުންތެރިންގެ މޯޓިވޭޝަން ރަނގަޅުކޮށް ޓީމު ވަރުގަދަކުރުމަށް ވަރަށް ބޮޑަށް މަސައްކަތް ކުރާ ކަމަށްވެސް އޭނާ ވަނީ ބުނެފައެވެ.

އިތުރަށް ވާހަކަ ދައްކަމުން މެސީ ބުނަފައިވަނީ، 3-2 ގެ ނަތީޖާއަކުން ރެއާލް މެޑްރިޑް އަތުން މޮޅުވި މެޗުގައި އެންރީކޭ މެސީ ގާތުގައި ދެއްކި ވާހަކަ ތަކަކީ ހަނދާނުން ފުހެވިގެންދާނެ ވާހަކަ ތަކެއް ނޫން ކަމަށާއި، އެ މެޗަށް ފަހުގައި މެސީ އަކީ ދުނިޔޭގެ އެންމެ މޮޅު ކުޅުންތެރިޔާ ކަމަށް އޭނާ ގާތުގައި އެންރީކޭ ބުނެފައިވާ ކަމަށެވެ.

ބާސާގެ ކޯޗުކަމުގައި އެންރީކޭ ހޭދަކުރި 3 ސީޒަނުގައި އޭނާވަނީ ބާސާއަށް އޭނާގެ އިރުޝާދުގެ ދަށުން 9 ތަށި ހޯދައި ދީފައެވެ. ބާސާގެ ކަމުން އެންރީކޭ ވަކިވުމާއިއެކު ދެން އެމަގާމާއި ހަވާލުވެފައިވަނީ އެތްލެޓިކޯ ބިލްބާއޯގެ ކުރީގެ ކޯޗް އާނަސްޓޯ ވަލްވޭޑޭއެވެ.

 

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އިސްމާއިލް ނާއިލް ނަޝީދު
0%
0%
0%
0%
0%
0%
ކޮމެންޓް