ހޮނިހިރު 30 މެއި 2020
11 ރޯނު
1441 ޝައްވާލް 07
ފަތިސް 04:34
އިރުއަރާ 05:51
މެންދުރު 12:07
އަސްރު 15:30
އިރުއޮއްސޭ 18:16
އިޝާ 19:33
ކޮވިޑް-19: ސްރީލަންކާގެ ޙާލަތު

ސްރީލަންކާގައި ކާފިއުގެ އަމުރާއި ޚިލާފުވެގެން ހައްޔަރުކުރި މީހުންގެ އަދަދު 61،000ށް ވުރެ މައްޗަށް!

  • ބުދަ ދުވަހާއި ހަމަޔަށް ކާފިއުގެ އަމުރާއި ޚިލާފު ވެގެން 61،093 ހައްޔަރުކޮށްފައިވޭ
  • ކާފިއުގެ އަމުރާއި ޚިލާފު ވެގެން ހައްޔަރު ކުރި މީހުންގެ ތެރެއިން 17،949 މައްސަލަ އޮތީ ކޯޓަށް ފޮނުވާފަ
  • 6،706 މީހުންނަށް ޙުކުމް އިއްވާފައިވޭ

ކ. މާލެ | 21 މެއި 2020 | ބުރާސްފަތި 13:31 | 1,977

ސްރީލަންކާގައި ކާފިއުގެ އަމުރުގެ އިތުރުން ބައެއް ސިޓީތައް ފުރަބަންދުކޮށްފައިވޭ - ކޮލޮމްބޯ ގެޒެޓް

ކޮވިޑް-19ގެ ޙާލަތާއި ގުޅިގެން ސްރީލަންކާ ސަރުކާރުން އިޢުލާނުކުރި ކާފިއުގެ ޢަމުރާއި ޚިލާފު ވެގެން މިހާނަތަށް 61،000ށް ވުރެ ގިނަ މީހުން ހައްޔަރުކޮށްފައިވާ ކަމަށް އެޤައުމުގެ ފުލުހުންގެ އިދާރާއިން ހާމަކޮށްފި އެވެ.

ކޮވިޑް-19 ގެ ނުރައްކާ ބޮޑުވެ ސްރީލަންކާ ސަރުކާރުން ކާފިއުގެ ޢަމުރު ހިންގަން ފެށިތާ ދެމަސްވެފައިވާއިރު، ބުދަ ދުވަހާއި ހަމަޔަށް މި އަމުރާއި ޚިލާފު ވެގެން 61،093 (ފަސްދޮލަސް އެއްހާސް ނުވަދިހަ ތިނެއް) މީހުން ފުލުހުންގެ ބެލުމުގެ ދަށަށް ގެންގޮސްފައި ވެއެވެ. މަރޗް މަހުގެ 20 ވަނަ ދުވަހު އިޢުލާނުކުރު ކާފިއުގެ އަމުރުގެ މުއްދަތު ބުދަ ދުވަހުގެ ހަވީރު 06:00ގައި ވަނީ ހަމަވެފަ އެވެ.

ފުލުހުންގެ އިދާރާއިން ހާމަކުރާ ގޮތުގައި ކާފިއުގެ އަމުރާއި ޚިލާފު ވެގެން ހައްޔަރު ކުރި މީހުންގެ ތެރެއިން 17،949 (ސަތާރަހާސް ހުވަ ސަތޭކަ ސާޅީސް ނުވައެއް) މީހުން ގެ މައްސަލަ ވަނީ ކޯޓު މަރުޙަލާ ގައެވެ. އޭގެ ތެރެއިން 6،706 (ހަހާސް ހަތް ސަތޭކަ ހަޔެއް) މީހުންނަށް ޙުކުމް އިއްވާފައިވާ ކަމަށް ފުލުހުން ބުނެފައިވެއެވެ.

ސްރީލަންކާ ފުލުހުންގެ އިދާރާގެ މީީޑިއާ ސެކްޝަނުން ބުދަ ދުވަހުގެ ރޭ ޢާންމުކުރި ތަފާސް ހިސާބުތަކަށް ބަލާއިރު، ކާފިއު ހިންގި ދެމަސް ދުވަހުގެ ތެރޭގައި ހުއްދަނެތި ދަތުރުކުރި 17،172 (ސަތާރަހަސް ސަތޭކަ ހަތްދިހަ ދޭއް) އުޅަނދެއްވެސް ވަނީ ފުލުހުންގެ ބެލުމުގެ ދަށަށް ގެންގޮސްފައި ވެއެވެ.

ފުލުހުންގެ މަޢުލޫމާތުތަކަށް ބަލާއިރު ބުދަ ދުވަހު އެކަނިވެސް ކާފިއުގެ ޢަމުރާއި ޚިލާފު ވެގެން 668 މީހުން ހައްޔަރުކޮށް، 248 އުޅަނދެއް ފުލުހުންގެ ބެލުމުގެ ދަށަށް ގެންގޮސްފައި ވެއެވެ.

އެންމެ ފަހުން އަޕްޑޭޓް ކުރީ: 1 ހަފްތާ ކުރިން | ރިވިއު ކުރީ: އަމަން ހަލީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.