މުޒާހަރާގައި ހައްޔަރުކުރި މީހުން ދޫކޮށްލުމަށް ސޫދާނުގެ އިންޓެލިޖެންސް ވެރިޔާ އަމުރު ކުރައްވައިފި

ސޫދާނުގައި ހަފްތާއަކަށް ދެމިގެން ދިޔަ މުޒާހަރާގައި ހައްޔަރުކުރެވުނު ފަރާތްތައް ދޫކޮށްލުމަށް އެގައުމުގެ އިންޓެލިޖެންސް ވެރިޔާ އަމުރު ކުރައްވައިފިއެވެ.

އަންގާރަ ދުވަހު މިކަން އިއުލާނު ކޮށްފައިމިވަނީ ޚަރްތޫމްގައި ހިނގަމުންދާ މުޒާހަރާތައް ހުއްޓުވުމުގައި އަމަލުކުރަމުންދާ ގޮތާމެދު ބައިނަލްއަގްވާމީ މުޖުތަމައުގެ ފާޑުކިޔުން އިތުރުވެފައިވާ ދަނޑިވަޅެއްގައެެވެ.

"ނޭޝަނަލް އިންޓެލިޖެންސް އެންޑް ސިކިއުރިޓީ ސަރވިސަގެ ވެރިޔާވަނީ ދާދިފަހުން ހިނގާ މިދިޔަ ހާދިސާތަކުގައި ހައްޔަރު ކުރެވިފައިފައިތިބި އެންމެން ދޫކޮށްލަން އަމުރު ކުރައްވާފައި"ސަލާހް ގޯޝް ވިދާޅުވިކަމަށް އިންފޮމޭޝަން މިނިސްޓްރީން ބުނެފައިވެއެވެ.

ޕާނުގެ އަގު ތިންގުނަ ބޮޑުކުރުމާ ގުޅިގެން ޑިސެމްބަރު މަހުގެ 19 ވަނަ ދުވަހު ފެށުނު މުޒާހަރާތައް ވަަނީ ރައީސް އުމަރު އަލް ބަޝީރުގެ އިސްތިއުފާއަށް ގޮވާލައި މުޅި ގައުމުގައި ހިންގޭ ހަރަކާތަކަށްވެފައެވެ.

ހައްގުތަކަށް ގޮވާލާ ޖަމާއަތްތަކުން ބުނެފައިވަނީ މުުޒާހަރަކުރާ ފަރާތްތަކާއި،އިދިކޮޅު ލީޑަރުންނާއި، އެކްޓިވިސްޓުންނާއި،އަދި ނޫސްވެރިން ހިމެނޭގޮތަށް އެންއައިއެސްއެސްއިން 1،000 އަށް ވުރެ ގިނަ މީހުން ހައްޔަރު ކޮށްފައިވާކަމަށެވެ.

ހަމަނުޖެހުންތަކުގައި 30 މީހުން މަރުވެފައިވާ ކަމަށް އޮފިޝަލުން ވިދާޅުވާއިރު ހައްގުތަަކަށް ގޮވާލާ ޖަމާއަތްތަކުން ބުނަނީ މަރުވި މީހުންގެ އަދަދު 40 އަށް އަރާ ކަމަށެެވެ.

އުމަރު އަލް ބަޝީރު މަގާމުން ދުރަށް ވަޑައިގަތުމަށް ގޮވާލައި ބޮޑު އެއްވުމެއް ކުރިއަށް ދިޔައިރު، އެ މަނިކުފާނަށް ތާއިދުކުރާ ފަރާތްތަކުން ބޭއްވި އެއްވުމެއްގައި ޖެނުއަރީ މަހުގެ ކުރީކޮޅު ބަޝީރު ވިދާޅުވީ މަގާމުން ދުރަށް ވަޑައިނުގަންނަވާނެ ކަމަށެވެ.

އުމަރު އަލް ބަޝީރު ވެރިކަމަށް ވަޑައިގެން ހުންނެވީ 1989 ވަނަ އަހަރު ގެނައި ބަޣާވާތަކުންނެވެ.