ކަދުރު ހޯދަން ނަން ނޯޓް ކުރަން އެއް ދުވަހުގެ މުހުލަތެއް ސިޓީ ކައުންސިލުން ދީފި
20 މެއި 2020 | ބުދަ 12:152903 ޕަކެޓް އެބަހުރި
ސައުދީން ރާއްޖެއަށް ހަދިޔާކުރި ކަނދުރުތައް
މާލެއާއި ވިލިމާލޭގައި ދިރިއުޅޭ ފަގީރުންނަށް ބެހުމަށްފަހު ބާކީހުރި ކަދުރު ބަހަން މާލެ ސިޓީން ބަހަން ނިންމައިފިއެވެ.
މާލެ ސިޓީ ކައުންސިލުން ބުނީ، މާލެއާއި ވިލިމާލޭގައި ދިރިއުޅޭ ފަގީރުންނަށް ބެހުމަށްފަހު ބާކީހުރި 2903 ޕަކެޓު ކަދުރު ކައުންސިލަށް ލިބިފައިވާ ކަމަށެވެ. އެހެން ކަމުން މާލެއާއި ވިލިމާލޭގައި ދިރިއުޅޭ ފަރަތްތަކުގެ ތެރެއިން ކަދުރު ޕަކެޓު ހޯދުމަށް އެދޭ ފަރާތްތަކުން މި މަހުގެ 21 ވަނަ ދުވަހުގެ ނުވައެއްގެ ކުރިން މައުލޫމާތު ފޮނުވައި ދިނުމަށް ކައުންސިލުން ވަނީ އެދިފައެވެ. މައުލޫމާތު ފޮނުވަން ޖެހޭ ނަންބަރަކީ 9955788 ކަމަށް ސިޓީ ކައުންސިލުން ބުނެ އެވެ.
ކަދުރުޕަކެޓު ދޫކުރަމުންދާނީ ހުސްވަންދެން ފުރަތަމަ އެސްއެމްއެސް ފޮނުއްވާ ފަރާތްތަކަށް އިސްކަންދީގެން ކަމަށް ސިޓީ ކައުންސިލުން ބުންޏެވެ.
މޭމަހުގެ ހަތަރެއްގެ ނިޔަލަށް ސައުދީން ހަދިޔާކުރި ކަދުރުގެ ތެރެއިން 1212.4 ކޭސް( 12,124 ޕަކެޓް) ކަދުރު ބަހާފައިވާއިރު އަދި އޭގެ އިތުރުން، މިހާތަނަށް ރާއްޖޭގެ 1483 ފަގީރުންގެ ގޭބިސީތަކަށް ކަދުރު ހަދިޔާކޮށްފައިވާ ކަަމަށް މީގެ ކުރިން އިސްލާމިކް މިނިސްޓްރީން ވަނީ ބުނެފައެވެ. އިސްލާމިކް މިނިސްޓްރީން ކުރިން ބުނެފައި ވަނީ 12،376 ކަދުރު ޕަކެޓް ނުބެހި މިނިސްޓްރީގައި ހުރި ކަމަށެވެ.
އެހެނިހެން އަހަރުތަކެކޭ އެއްފަދައިން ސައުދީން ވަނީ މި އަހަރުވެސް ދިވެހިރާއްޖެއަށް 50 މެޓްރިކް ޓަނު ކަދުރު ހަދިޔާކޮށްފައެވެ. އެއީ ދެ ކިލޯ ގްރާމުގެ ޕެކެޓުގެ 25,000 ކަދުރު ޕެކެޓެވެ.
