ބޭރުގައި ތިބެގެންވެސް އޮންލައިންކޮށް ޕާސްޕޯޓަށް ފައިސާ ދެއްކޭނެ
ފައިސާ ދެއްކޭނީ ބީއެމްއެލްގެ ޕޭމަންޓް ގޭޓްވޭ މެދުވެރިކޮށް
ދިވެހި ޕާސްޕޯޓެއް: ބޭރުގައި ތިބިގެން ޕާސްޕޯޓް އައުކުރެވޭނެ ގޮތް ވަނީ ހަމަޖައްސާފައި
ރާއްޖެއިން ބޭރުގައި ތިބެގެން ޕާސްޕޯޓް އައުކުރަން ބޭނުންވާ ފަރާތްތަކަށް އޮންލައިންކޮށް ފައިސާ ދެއްކޭނެ އިންތިޒާމް އިމިގްރޭޝަނުން ހަމަޖައްސައިފި އެވެ.
އިމިގްރޭޝަނުން ބުނީ، ބޭންކް އޮފް މޯލްޑިވްސްގެ ޕޭމަންޓް ގޭޓްވޭ މެދުވެރިކޮށް އޮންލައިން ކޮށް ފައިސާ ދެއްކޭ ގޮތަށް ހަމަޖައްސާފައިވާ ކަމަށެވެ. ޕާސްޕޯޓަށް އެދި އެޕްލިކޭޝަން ފޯމް ހުށައަޅާނީ passports@immigration.gov.mv އަށެވެ. އިމިގްރޭޝަނުން ބުނީ، ފައިސާ ދައްކާތާ 24 ގަޑިއިރު ތެރޭގައި ޕާސްޕޯޓް ނެގޭނެ ގޮތުގެ މައުލޫމާތު ހިއްސާ ކުރެވޭނެ ކަމަށް އިމިގްރޭޝަނުން މައުލޫމާތު ދެއެވެ.
މީގެ ކުރިން ރާއްޖެއިން ބޭރުގައި ދިރިއުޅޭ ދިވެހިން ޕާސްޕޯޓް އައުކުރަން ފައިސާ ދައްކަމުން އައި މާލޭގައި ތިބޭ މީހުން މެދުވެރިކޮށެވެ. ރާއްޖޭގެ ހައިކޮމިޝަން ހުންނަ ގައުމުތަކުގައި ދިރިއުޅޭ ދިވެހިން ޕާސްޕޯޓަށް ފައިސާ ދައްކަމުން އައީ ހައިކޮމިޝަން ތަކަށެވެ.
އިމިގްރޭޝަންގެ މީޑިއާ އޮފިސަރު ހަސަން ހަލީލް ވިދާޅުވީ، އަލަށް ގެނައި ބަދަލުތަކާއި އެކު ހައިކޮމިޝަން ހުންނަ ގައުމުތަކުގައި ދިރިއުޅޭ ދިވެހިންނަށްވެސް އޮންލައިންކޮށް ޕާސްޕޯޓަށް ފައިސާ ދެއްކޭނެ ކަމަށެވެ.
