ކ. އަތޮޅުން ފެށިގެން އައްޑޫ ސިޓީ އަށް ނެރެފައިވާ ޔެލޯ އެލަރޓްގެ ވަގުތު އިތުރުކޮށްފި
18 މެއި 2020 | ހޯމަ 08:08ޔެލޯ އެލަރޓްގެ މުއްދަތު ވަނީ އާދީއްތަ ދުވަހުގެ ހަވީރު 17:00 ށް އިތުރުކޮށްފަ
އެންމެ ފަހުން ކުރި ވިއްސާރައިގައި އައްޑޫގައި ފެންބޮޑުވެފައި
ބޯކޮށް ވާރޭ ވެހޭނެ ކަމަށް ލަފާކޮށް، ކ. އަތޮޅުން ފެށިގެން އައްޑޫ ސިޓީއާއި ހަމަޔަށް ނެރެފައިވާ ޔެލޯ އެލަރޓްގެ ވަގުތު އަނެއްކާވެސް އިތުރުކޮށްފި އެވެ.
މޫސުމާއި ބެހޭ ޤައުމީ އިދާރާއިން ކ. އަތޮޅުން ފެށިގެން އައްޑޫ ސިޓީއާއި ހަމަޔަށް ޔެލޯ އެލަރޓް ނެރެމުން ބުނެފައި ވަނީ އެ ޞަރަޙައްދުގެ ރަށްތަކަށް ބޯކޮށް ވާރޭ ވެހުމާއެކު ގުގުރުން އެކަށީގެންވާ ކަމަށެވެ. އަދި ވިލާގަނޑުގައި ގަޑިއަކު 55 މޭލާއި 60 މޭލާ ދެމެދުގެ ބާރުމިނަށް ވައިގަދަވާނެ ކަމަށެވެ. ޢާންމު ކޮށް ވައިގަދަ ވާއިރު ގަޑިއަކު 28 މޭލާއި 35 މޭލާއި ދެމެދު ހުންނާނެ ކަމަށެވެ.
މެޓް އޮފީހުން އެ ޞަރަޙައްދަށް ނެރެފައިވާ ޔެލޯ އެލަރޓްގެ މުއްދަތު ވަނީ ހޯމަ ދުވަހުގެ ހަވީރު 17:00 ށް އިތުރުކޮށްފަ އެވެ.
ހެނދުނު 0900 ޖެހި އިރު މެޓުން ޢާންމު ކުރި އެލަރޓް ހަމަވީ މެންދުރު 1300ށެވެ.
ބޯކޮށް ވާރޭ ވެހި، ވައިގަދަވެ، ކަނޑުތައްވެސް ގަދަވާނެ ކަމަށް ލަފާ ކުރެވޭތީވެ، ޢާންމުކޮށް ހުރިހާ ފަރާތްތަކުން ވެސް މޫސުމަށް ވަރަށް ބޮޑަށް ސަމާލުވުމަށް މޫސުމާއި ބެހޭ ޤައުމީ އިދާރާއިން ވަނީ އިލްތިމާސް ކޮށްފައެވެ.
