ތައިލޭންޑުން ބައިނަލްއަޤުވާމީ ފްލައިޓްތައް ފެށުން ފަސްކޮށްފިއެވެ.
ރިޕޯޓުތައް ބުނާ ގޮތުން ކޮވިޑް-19 ގެ ނުރައްކަލާ ހުރެ، އެޤައުމުގެ ސިވިލްއޭވިއޭޝަން އޮތޯރިޓީން ބައިނަލްއަޤުވާމީ އުދުހުންތައް މެދު ކަނޑާލީ މިދިޔަ އެޕްރީލް މަހުގެތެރޭގަ އެވެ. އަދި މިހިނގާ މެއި މަހު އަލުން ހުޅުވާލާނެ ކަމަށް ބުނެފައި ވެއެވެ. އެހެން ނަމަވެސް އެޤައުމުގެ ސަރުކާރުން ހުކުރު ދުވަހު ވަނީ ޖޫން މަހުގެ ނިޔަލަށް ދަތުރުތައް ކުރަން ހުއްދަ ނުދޭނެކަމަށް ބުނެފައެވެ.
މި ނިންމުން ނިންމާފައި މިވަނީ ތައިލެންޑުގައި ކޮވިޑް-19 ޖެހޭ ވަކިވަކި މީހުންގެ އަދަދު މިމަހު އިތުރުވަމުން ދިއުމާއި ގުޅިގެންނެވެ.
ބައިނަލްއަޤުވާމީ އުދުހުން އަލުން ފަށާ ދުވަސް ލަސްކުރި ނަމަވެސް، އާދިއްތަ ދުވަހު ތައިލެންޑްގެ ސަރުކާރުން ވަނީ ޢާންމު ފިހާރަތައް އަލުން ހުޅުވަން ހުއްދަ ދީފައެވެ. ނަމަވެސް ރޭގަނޑުގެ ވަކި ވަގުތެއްގައި ކާފިއު ހިންގުމަށް ވަނީ ނިންމާފައެވެ.
ތައިލެންޑުން މިހާތަނަށް 3025 މީހަކު ވަނީ ކޮވިޑް-19 އަށް ޕޮޒިޓިވް ވެފައެވެ. މި ވައިރަސްގެ ސަބަބުން 56 މީހަކު ވަނީ އެގައުމުން މަރުވެފައެވެ.
