އިންކަމް ސަޕޯޓް އެލަވަންސް ދޫކުރަން ފަށައިފި
16 މެއި 2020 | ހޮނިހިރު 11:25އިންކަމް ސަޕޯޓް އެލަވަންސް ލިބެނީ ޝަރުތުތަކާއެކު
ރިސޯޓެއްގެ މުވައްޒަފުން: އެންމެ ގިނަ ބައެއް ވަޒީފާ ގެއްލުނީ މި ސިނާއަތުން
ކޮވިޑް-19 އާ ގުޅިގެން މުސާރަ އާއި އިނާޔަތްތަކަށް ބަދަލު އައިސްފައިވާ ފަރާތްތަކާއި، ވަޒީފާއިން ވަކިކޮށްފައިވާ ފަރާތްތަކަށް ސަރުކާރުން ދޭން ނިންމާފައިވާ އިންކަމް ސަޕޯޓް އެލަވަންސް ދޫކުރަން ފަށައިފި އެވެ.
އިންކަމް ސަޕޯޓް އެލަވަންސްގެ ގޮތުގައި ދޭން ކަނޑައަޅާފައި ވަނީ 5000ރ. އެވެ. މި ފައިސާ ލިބޭ ފަރާތްތަކުގެ ތެރޭގައި ހިމެނެނީ 1 މާރޗް 2020 ވަނަ ދުވަހާ ހަމައަށް ވަޒީފާގައި ދެމިތިބި ފަރާތްތަކާއި، 1 މާރޗް 2020 ވަނަ ދުވަހާ ހަމައަށް އަމިއްލަ މަސައްކަތުން އާމްދަނީ ހޯދަމުން އައިސްފައިވާ ފަރާތްތަކާއި، އަދި އެހެނިހެން ގޮތްގޮތުން އާމްދަނީ ލިބެމުން އައި ފަރާތްތަކެވެ.
ފައިސާގެ މި އެހީ ދޫކުރުމަށް ސަރުކާރުން ނިންމާފައިވަނީ ތިން މަސް ދުވަހުގެ މުއްދަތަށެވެ. ވަޒީފާއެއް ހޯދައިދީފި ކަމުގައިވަނީނަމަ ވަޒީފާއަކަށް ދިއުމާއި، ސަރުކާރުން ހިންގާ ޑިވެލޮޕްމަންޓް ޕްރޮގުރާމެއްގައި ބައިވެރިވުމަށް މި އެލަވަންސް ލިބޭ ފަރާތްތަކަށް ވަނީ ޝަރުތު ކޮށްފަ އެވެ.
ކޮވިޑް-19 އާ ގުޅިގެން އިގްތިސާދު ހުއްޓުމަކަށް އައިސްފައި ވާއިރު، ގިނަ ބަޔެއްގެ ވަޒީފާތައް ވަނީ ގެއްލިފަ އެވެ. ސަރުކާރުން ގާއިމުކޮށްފައިވާ ޖޮބް ސެންޓަރަށް ހުށައަޅާފައިވާ މައްސަލަތަކަށް ބަލާއިރު، މިހާތަނަށް 3000ށް ވުރެ ގިނަ މީހަކު ވަނީ ޝަކުވާ ހުށައަޅާފައި ވެއެވެ. ހުށައަޅާފައިވާ ޝަކުވާތަކުގެ ތެރޭގައި ގިނައީ މުސާރަ ނުހިނގާ ގޮތައް ޗުއްޓީއަށް ދާން މަޖުބޫރުކުރާ މައްސަލަ އެވެ.
ޖޮބް ސެންޓަރުގެ 3000 މީހަކު ރަޖިސްޓްރީ ކުރި ނަމަވެސް، މި ހާލަތާ ގުޅިގެން ވަޒީފާގެ ހާލަތަށް ބަދަލު އައިސްފައިވާ މީހުންގެ އަދަދު މިއަށް ވުރެ މާ ގިނަ ވާނެ ކަމަށް އަންދާޒާކުރެ ވެއެވެ.
