ނަރުހުންގެ އަގުހުރި މަސައްކަތައް ރަޢީސުލްޖުމްހޫރިއްޔާ ހިތްވަރު ދެއްވައިފި
ނަރުހުން ކުރަމުންގެންދާ މަސައްކަތަށް ރައީސް ވަނީ ޝުކުރު އަދާކުރައްވާފައި
އައިޖީއެމްއެޗްގައި މަސައްކަތް ކުރާ ނަރުހުންނާއި ޑޮކްޓަރުންތަކެއް
ކޮވިޑް-19 ގެ މި ޙާލަތުގައި ދުނިޔޭގެ އެހެން ޤައުމުތަކެކޭ އެއްގޮތަށް ކޮވިޑް-19ށް ޕޮޒިޓިވްވާ މީހުންނަށް ފަރުވާދިނުމުގައި ދިވެހި ނަރުހުން އިސް ސަފުގައި ކުރައްވަމުން ގެންދާވާ މަސައްކަތް ފާހަގަކުރައްވާ ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހް ނަރުހުންގެ މަސައްކަތްތައް ހިތްވަރުދެއްވައިފިއެވެ.
ބައިނަލްއަޤުވާމީ ގޮތުން ފާހަގަކުރަމުން އަންނަ ނަރުހުންގެ ދުވަހުގެ ހެޔޮއެދުންތައް ފޮނުއްވައި ރައީސުލްޖުމްހޫރިއްޔާ ކުރެއްވި ޓުވީޓެއްގައި ވިދާޅުވީ ނަރުހުންނަކީ އަމިއްލަ ނަފުސަށްވުރެ އެހެން މީހުންގެ ފުރާނައާއި ސިއްޙަތައް އިސްކަންދީގެން މަސައްކަތްކުރާ ބައެއްކަމަށެވެ. އަދި ކޮވިޑް-19ގެ މި ހާލަތުގައި ބިރެއްނެތި ނަރުހުން ކުރައްވާ ހިތްވަރާއި ދެއްވާ ޚިދުމަތްތަކުން މިއަދު އެކަން ހަނދާންކޮށްދޭ ކަމަށްވެސް ރައީސްގެ ޓްވީޓްގައި ވިދާޅުވެފައިއެވެ.
ކޮންމެ އަހަރެއްގެވެސް މާރޗް މަހުގެ 12 ވަނަ ދުވަސް ފާހަގަ ކުރަމުންދަނީ ބައިނަލްްއަޤްވާމީ ނަރުހުންގެ ދުވަހުގެ ގޮތުގައެވެ.
