އިންޑިއާއިން ރާއްޖެއަށް 580 ޓަނުގެ ކާބޯތަކެތި ހަދިޔާކުރަނީ
10 މެއި 2020 | އާދީއްތަ 17:0090 ޓަނުގެ ހަކުރު އަދި 120 ޓަނުގެ ރީދޫ މުގެ ހިމެނޭ
އިންޑިއާގައި ތާށިވެފައި ހުރި އެސްޓީއޯގެ ބޭސް ޝިޕްމެންޓު ރާއްޖެ ގެނައުމުގެ ތެރެއިން
ކޮވިޑް-19 ބަލިމަޑުކަމުގެ ސަބަބުން ރާއްޖެއަށް ކުރިމަތިވެފައިވާ ދަތިތައް ލުއިކޮށް ދިނުމަށްޓަކައި އިންޑިއާއިން ދެމުން އަންނަ އެހީގެ ދަށުން އިތުރު 580 ޓަނުގެ ކާބޯތަކެތި ދިވެހިރާއްޖެއަށް ހަދިޔާ ކުރުމަށް ނިންމައިފި އެވެ.
ރާއްޖޭގައި އިންޑިއާގެ ހައިކޮމިޝަނުން ބުނީ، ކާޑުގެ ޝިޕްމެންޓް ވަރަށް އަވަހަށް އިންޑިއާގެ ކަނޑުގެ އަސްކަރިއްޔާގެ ކޭސަރީގައި ރާއްޖެއަށް ފޯރުކޮށްދޭނެ ކަމަށެވެ. ޝިޕްމެންޓްގައި ހިމެނެނީ، 200 ޓަނުގެ ހަނޑޫ، 140 ޓަނުގެ ގޮދަން ފުށް، 90 ޓަނުގެ ހަކުރު އަދި 120 ޓަނުގެ ރީދޫ މުގުގެ އިތުރުން 26 ޓަނުގެ ފިޔާ އެވެ.
ކާބޯތަކެތީގެ މިއެހީ އަކީ އިންޑިއާގެ 'އެކިއުރިޓީ އެންޑް ގްރޯތު ފޯ އޯލް' (ސާގަރް) ޑޮކްޓްރިން ގެ ދަށުން ޞަރަޙައްދީ ޤައުމުތަކަށް އިންޑިއާއިން ފޯރުކޮށްދޭ އެހީގެތެރެއިން ވެދިން އެހީއެކެވެ. އެގޮތުން މުދާ ބަރުކޮށްގެން އަންނަ އިންޑިޔާ އަސްކަރިއްޔާގެ މަނަވަރު ކޭސަރީ ފުރަތަމަ ބަނދަރު ކުރާނީ ރާއްޖޭގައި ކަމަށް ހައި ކޮމިޝަނުން ބުނެއެވެ. އަދި ރާއްޖެއަށް އެހީގެ މުދާ ބޭލުމަށްފަހު ޞަރަޙައްދުގެ އެހެން ޤައުމުތަކަށް އެހީ އާއިގެން ދަތުރު ކުރަން ހަމަޖެހިފައިވާ ކަމަށްވެސް އިންޑިއާ ހައިކޮމިޝަނުން މަޢުލޫމާތުދެއެވެ.
އިންޑިއާއާއި ދިވެހިރާއްޖެއިންވެސް އިއްތިފާޤުވާ ގޮތުގައި، ކޮވިޑް-19 ބަލިމަޑުކަމާއި، އަދި ބަލިމަޑުކަމުގެ ސަބަބުން ދެޤައުމުގެ ރައްޔިތުންނަށް ކުރިމަތިވާ ކަންތައްތަކުން އަރައިގަނެވޭނީ ޞަރަަޙައްދުގެ ގައުމުތަކުން ގުޅިގެން އެކުގައި މަސައްކަތް ކޮށްގެންނެވެ.
އިންޑިއާއިން ވަނީ ފާއިތުވެދިޔަ ދެ މަސް ދުވަހުގެ ތެރޭގައި އެކި ގޮތްގޮތުން ދިވެހިރާއްޖެއަށް އެހީތެރިކަން ފޯރުކޮށްދީފައެވެ. އެގޮތުން ޞިއްޙީ މާހިރުންގެ ޓީމެއް ރާއްޖެއަށް ފޮނުވުމާއި، ބޭހުގެ ޝިޕްމެންޓްތަށް ފޮނުވުމާއި، ވޫހާންގައި ތާށިވެފައި ތިބި ދިވެހިން އަނބުރާ ރާއްޖެ އަށް ގެނެސްދިނުމުގައި އެހީތެރިވުމާއި، ކޮވިޑް-19 ބަލިމަޑުކަމުން ސަލާމަތް ވުމުގައި އިންޑިއާއިން ބޭނުން ކުރާ އުކުޅުތަކާއި ޢިލްމު ހިއްސާކުރުން ހިމެނެއެވެ. ދިވެހިރާއްޖެއިން އެހީއަށް ބޭނުންވެ ގޮވާލާ ކޮންމެ ދަނޑިވަޅެއްގައިވެސް އެންމެ ފުރަތަމަ އިޖާބަދީ އެހީވާ އެކުވެރި ދައުލަތަކީ އިންޑިއާކަން ފާހަގަކޮށްލެވެއެވެ.
އޭޕްރިލް މަހުގެ 20 ވަނަ ދުވަހު ބޮޑުވަޒީރު ނަރެންދްރަ މޯދީއާއި ރައީސް އިބްރާހިމް މުޙައްމަދު ޞާލިޙު އާއި ދެބޭފުޅުން ވަނީ ފޯނުން ދެޤައުމުގެ ހާލަތު ހިއްސާކުރައްވަ މަޝްވަރާ ކުރައްވާފައެެވެ. އިންޑިއާއިން ދޭން މި ނިންމި އެހީއަކީ މިމަޝްވަރާއާއި ގުޅިގެން ފަހިވި އެހީއެއް ކަމަށް ބެލެވެއެވެ.
