އަައްޑޫ ސީޓީން ކޮވިޑް-19 އަށް ޕޮޒިޓިވްވި މީހާގެ ތިންވަން ސާމްޕަލް ވެސް ނެގެޓިވްވެއްޖެ އެވެ.
އައްޑޫއިން ޕޮޒިޓިވްވީ ކަމަށް ރިޕޯޓްކުރެވުނު ފަރާތަކީ، ހިތުގެ ބައްޔަކަށް ފަރުވާ ހޯދުމަށް އައްޑޫ އިކުއިޓޯރިއަލް ހޮސްޕިޓަލުން އެޑްމިޓްކޮށްފައި އޮތުމަށް ފަހު، އައިޖީއެމްއެޗްއަށް ބަދަލުކުރެވުނު ފަރާތެކެވެ. އޭނާގެ ފުރަތަމަ ސާމްޕަލް ޕޮޒިޓިވްވީ އައިޖީއެމްއެޗްގައި އެޑްމިޓް ކުރުމަށްފަހު، ޓެސްޓު ހެދުމުންނެވެ.
މައުލޫމާތު ލިބިފައިވާ ގޮތުގައި މި މީހާ އަކީ މާޗް މަހުގެ 10 ވަނަ ދުވަހު ރިސޯޓަކުން އައްޑޫ ސިޓީއަށް ގޮސްފައިވާ މީހެކެވެ. ފުރަތަމަ ޓެސްޓު ޕޮޒިޓިވްވުމުން، ބަލި ހުރިތޯ ކަށަވަރުކުރުމަށް ފަހުން ހެދި ދެ ޓެސްޓު ވަނީ ނެގެޓިވްވެފަ އެވެ.
ޕޮޒިޓިވްވި މީހާއާ ބައްދަލުވި މީހުން ހޯދައި އެ މީހާގެ ކޮންޓެކްޓް ޓްރޭސިން ހެދުމުގެ މަސައްކަތް ވަނީ ކޮށްފަ އެވެ. އޭގެ ތެރޭގައި ޑޮކްޓަރުންނާއި ނަރުހުން ހިމެނެ އެވެ.
