''ބޭނުންވާ ވަރަށް ޝޯޝަލް ޑިސްޓެންސިންގ އެއްް މެއިންޓެން ނުކުރެވޭ''
ދިވެހިންގެ ފަރާތުން ފެންނަ ކޭސްތަކުގެ އަދަދު ވަނީ މަދުވެފައި
މާލޭގެ ފިހާރައެއްގައި އެއްޗެހި ގަންނަން މީހުން ކިޔޫ ހަދައިގެން
މާލޭގައި ކޮވިޑް-19 ފެތުރެމުންދާއިރު އަދިވެސް އެކަށީގެންވާ ވަރަށް އާއްމުންގެ ތެރޭގައި ގައިދުރުކަން ބަހައްޓާތަން ނުފެންނާތީވެ އެޗްޕީއޭގެ ކުރީގެ ޑިރެކްޓަރު ޖެނެރަލް އޮފް ޕަބްލިކް ހެލްތު، ޑރ. ޝީނާ މޫސާ ކަންބޮޑުވުން ފާޅުކުރައްވައިފިއެވެ.
ނެޝަނަލް އިމަރޖެންސީ އޮޕަރޭޝަން (އެންއީއޯސީ) ގެ އެދުމަކަށް ކޮވިޑް-19 ފެތުރެމުންދާ މިސްރާބަށް ތައްޔާރު ކޮށްފައިވާ ޕްރޮޖެކްޓް ދައްކާލައްވަމުން ޑރ. ޝީނާ ވިދާޅުވީ، މީގެ ކުރިން ހެދިފައިވާ ޕްރޮޖެކްޝަން ތަކުގައި ސޯޝަލް ޑިސްޓެންސިންގ އަށް އަންދާޒާ ކުރިވަރުގެ 70 އިންސައްތަ ކާމިޔާބުވެފައިނުވާ ކަމަށެވެ.
ޑރ. ޝީނާ ވިދާޅުވީ، އަދިވެސް ތިން ފޫޓް ދުރުގައި ތިބުމަށް ބޭރުގައި ތިބޭ ފަރާތްތަކުން ސަމާލުވާން ޖެހޭ ކަމަށެވެ.
މިހާރު ފެންނަމުންދާ ކޭސްތައް ބެހިގެންވާ ގޮތުގެ ތަފްސީލު ޑރ. ޝިނާ ވަނީ ޕްރެސް ކޮންފަރެންސް ގައި ދެއްވާފައެވެ. މިހާރު ފެންނަ ކޮވިޑް-19 ގެ ކޭސްތައް ބެހިފައިވަނީ ދެ ބަޔަކަށެވެ. އޭގެ ތެރެއިން އެއް ބަޔަކީ ކޮމިއުނަލް ލިވިންގ (އެއްތަނެއްގައި ގިނަ އަދަދެއްގެ) މީހުން ދިރިއުޅެމުންދާ ތަންތަން ކަމަށެވެ. އެ މީހުންގެ ތެރޭގައި ހަލުވި މިނެއްގައި ބަލި ފެތުރެމުންދާކަން ފާހަގަކުރައްވަމުން ޑރ. ޝީނާ ވިދާޅުވީ، އެ މީހުންގެ ތެރޭގައި ކޮންޓެކްޓްސްގެ ތެރޭގައި ގާތް ގަނޑަކަށް 45 މީހުން ހިމެނޭ ކަމަށެވެ. ދެވަނަ ބަޔަކީ ގޭބިސީގައި އުޅެމުންދާ މީހުންނަށް ވާއިރު ކޭސްތައް ފެންނަ އަދަދު މަދުކަމަށާއި، ބަލި ފެތުރޭ މިންވަރު ދަށްވަމުން އަންނަ ކަމަށެވެ.
ޑރ. ޝީނާ ވިދާޅުވީ ކޮމިއުނިޓީ ސްްޕްރެޑްް ޓްރާންމިޝަންގެ ޓްރޫ ޕިކްޗަރަ އެއް ފެނިފައިނުވާ ކަމަށެވެ. ސަބަބެއް ކަމަށް ޑޮކްޓަރު ފާހަގަކުރެއްވީ ލޮކްޑައުންގެ ފަހުން އެންމެ ހަފްތާއެއް ފާއިތުވެގެން ގޮސްފައިވުމާއި އެކު ލޮކްޑައުން ތެރޭގައި ފެނިފައިވާ ގިނަ ކޭސްތަަކަކީ ލޮކްޑައުންގެ ކުރިން ބައްޔަށް ހުށައެޅިފައިވާ ފަރާތްތައް ކަމަށްވާތީ ކަމަށެވެ.
