ނ އަތޮޅުގެ 2 ރަށެއްގެ މޮނީޓަރިންގގެ ހާލަތު އުވާލައިފި
6 މެއި 2020 | ބުދަ 17:47އެ 2 ރަށުގެ މޮނިޓަރިންގ ގެ ޙާލަތު އިތުރަށް ދަމަހައްޓަންޖެހޭ ސަބަބެއް މިވަގުތަށް ނެތް
ނ. ހެނބަދޫ
ނ އަތޮޅުގެ 2 ރަށެއްގެ މޮނީޓަރިންގގެ ހާލަތު އުވާލައިފައިވާކަމަށް ނޭޝަނަލް އިމަރޖެންސީ އޮޕަރޭޝަން ސެންޓަރ (އެންއީއޯސީ)ން ހާމަކޮށްފިއެވެ.
ބުދަ ދުވަހުގެ ރޭ ދަރުބާރުގޭގައި ގާއިމްކޮށްފައިވާ ނޭޝަނަލް އިމަރޖެންސީ އޮޕަރޭޝަން ސެންޓަރ (އެންއީއޯސީ) ގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ޓާސްކްފޯހުގެ ތަރުޖަމާނު މަބްރޫކް އަޒީޒް ވިދާޅުވީ ކުރިން މޮނިޓަރިންގގެ ޙާލަތު އިޢުލާނުކޮށްފައިވާ ދެތަނެއް ޢާންމު ޙާލަތައް ގެނެސްފައިވާކަމަށެވެ. އެއީ ނ. ހެނބަދޫއާއި ނ. ހޮޅުދޫކަމަށް މަބްރޫކް ވަނީ ހާމަކޮށްފައެވެ.
އެޗްޕީއޭއިން އެންމެ ފަހުން ހާމަކޮށްފައިވާ މައުލޫމާތުތަކަށް ބަލާއިރު، ނ. ހެނބަދޫ އަދި ނ. ހޮޅުދޫ މޮނީޓަރިންގް ހާލަތަށް ގެނެސްފައިވަނީ އޭޕްރީލް މަހުގެ 25 ވަނަ ދުވަހުގައެވެ. މި ދެ ރަށް އާންމު ހާލަތަށް ބަދަލުވުމާއިއެކު، މާލެ ސިޓީހިމެނޭގޮތަށް މޮނީޓަރިންގް ހާލަތުގައި ދެން އޮތީ 9 ރަށެކެވެ.
ކޮވިޑް-19 އާ ގުޅިގެން ރަށްރަށް މޮނިޓަރިންގގެ ޙާލަތަށް ގެންދިއުމާއި، މޮނިޓަރިންގ އުވާލުމުގެ ބާރު ލިބިގެންވަނީ ޑިރެކްޓަރ ޖެނެރަލް އޮފް ޕަބްލިކް ހެލްތަށެވެ. އެގޮތުން ކޮވިޑް-19 އިން ރައްކާތެރިވުމުގެ ގޮތުން ޢާންމު ޞިއްޙަތު ރައްކާތެރި ކުރުމުގެ ޤާނޫނުގެ ދަށުން ބެލުމަށް ކަނޑައަޅާފައިވާ ކަންކަން ބަލައިނިމި، މޮނިޓަރިންގގެ ގެ ޙާލަތު އިތުރަށް ދަމަހައްޓަންޖެހޭ ސަބަބެއް ނެތްކަން ޑީޖީއަށް ފާހަގަކުރެވުމުން ބައެއް ރަށްރަށުގެ މޮނިޓަރިންގގެ އުވާލަމުންދެއެވެ.
