ގދ. އަތޮޅުގެ 27 ރަށެއް ވަރުވާއަށް ދޫކުރުމަށް ފިޝަރީސް މިނިސްޓްރީން ހުޅުވާލައިފި

ގދ. އަތޮޅުގެ 27 ރަށެއް ވަރުވާއަށް ދޫކުރުމަށް ފިޝަރީސް މިނިސްޓްރީން ފުރުސަތު ހުޅުވާލައިފި އެވެ.

ފިޝަރީސް މިނިސްޓްރީން ވަރުވާ އަށް ދޫކުރާ ރަށްތައް އިއުލާނުކޮށްފައި ވަނީ އެ ރަށްތަކުގެ ތަފްސީލްތަކާ އެކުގައެވެ. އޭގެ ތެރޭގައި ރަށްތަކުގެ ބޮޑުމިން ފާހަގަކޮށްފައި ވެއެވެ. ވަރުވާ އަށް ދޫކުރަން ހުޅުވައިލި ރަށްތަކުގެ ތެރޭގައި 14 ހެކްޓަރުގެ އަތިހުއްޓާއި 10 ހެކްޓަރުގެ އެކުރުކަރަޓާ ފަދަ ރައްތަށް ފާހަގަކޮށްލެވެ އެވެ.

ގދ އަތޮޅުން ވަރުވާ އަށް ދޫކުރަނީ؛

1. ގދ. އާކިރާހުއްޓާ
2. ގދ. އެކުރުކާރަޓާ
3. ގދ. އޮއިނިގިއްލާ
4. ގދ. ވެލަގަލާ
5. ގދ. މާރެހާ (ނަޑައްލާކައިރި)
6. ގދ. ފަރެދޫ
7. ގދ. ފާހުއްޓާ
8. ގދ. ފާނަހުއްޓާ
9. ގދ. ފެރޭތަވިލިގިއްލާ
10. ގދ. ދަޓެކެރަނަހުއްޓާ
11. ގދ. ދަޓެމުލައިދޫ
12. ގދ. ދިއްމަނާ
13. ގދ.ލިފަދޫ
14. ގދ. ހަކަންޑޫ
15. ގދ. ހަޑާދޫ
16. ގދ. ހައްވެއްޔަރަޓާ
17. ގދ. ހާދުވާ (ދަތައިދޫކައިރި)
18. ގދ. ރާބަޑާފެހިރަޓާ
19. ގދ. ކާފަރަޓާ
20. ގދ. ކަންޑައްދޫ
21. ގދ. ކަޅެރެހާ (މަގުއްދޫފަޅުތެރެ)
22. ގދ. ކަޑެވާރެހާ
23. ގދ. ކުދެހާދުވާ
24. ގދ. ކުދެބީރާހުއްޓާ
25. ގދ. ކުދެމަތައިދުވާ
26. ގދ. ކޮޑެގަލާ
27. ގދ. އަތިހުއްޓާ

ފިނޭންސް މިނިސްޓްރީން ބިޑް ފޯމު ވިއްކުމަށް ހަމަޖެހިފައިވަނީ އަންނަ އާދިއްތަ ދުވަހުން ފެށިގެން 20 ފެބްރުއަރީގެ ނިޔަލަށެވެ.

ވަރުވާއަށް ރަށްތައް ދޫކުމުގައި ޕްރޮސެސިންގ ފީ ބަލައިގަތުމަށް ހަމަޖެހިފައިވަނީ މިމަހުގެ 27 އިން އަންނަ މަރޗު މަހުގެ 2 ވަނަ ދުހަށެވެ.

ވަރުވާއަށް ރަށްތައް ދޫކުރުމަށް ބިޑް ފޯމެއްގެ އަގަކީ -20ރ. އެވެ.

ވަރުވާއަށް ރަށްތައް ދޫކުރުމަކީ ރައީސް މައުމޫން އަބްދުލްގައްޔޫމުގެ ސަރުކާރުން ފެށިގެން ކުރަމުން އަންނަ ކަމަކަށްވާ އިރު އެކި ބޭނުންތަކަށް ރަށްތައް ކުއްޔަށްދޫކުރެއެވެ. އެގޮތުން ދަނޑުވެރިކަމަށް ވެސް ވަރުވާއަށް ރަށްތައް ދޫކުރެވޭ އިރު މިގޮތަށް އެންމެ ގިނަވެގެން ދޫކުރެވޭނީ 10 އަހަރަށެވެ.