ބްރެޒިލް އިން ކޮވިޑް-19 ޖެހުނު މީހުންގެ އަދަދު ލައްކައަކަށް ވުރެ މައްޗަށް!
4 މެއި 2020 | ހޯމަ 03:12މި ބަލި ޖެހިގެން ބްރެޒިލްއިން 7000 ށް ވުރެ ގިނަ މީހުން ވަނީ މަރުވެފަ
ބްރެޒިލް: ސިފައިންގެ މީހެއް އެނާގެ އަންގި ޑިސްއިންފެކްޓް ކުރަނީ
ބްރެޒިލް އިން ކޮވިޑް-19 ޖެހުނު މީހުންގެ ޢަދަދު ލައްކައަކަށް ވުރެ މައްޗަށް އަރައިފިއެވެ.
ބްރެޒިލްގެ ހެލްތު މިނިސްޓްރީން ބުނެފައިވަނީ އެޤައުމުން ރިޕޯޓުކުރެވުނު ކޭސްތަކުގެ ޢަދަދު ލައްކައަކަށް ވުރެ މައްޗަށް އަރާފައިވާ ކަމަށެވެ. ފާއިތުވި 24 ގަޑިއިރު ތެރޭގައި 4588 ކޭސް ރިޕޯޓުކޮށްފައިވާއިރު ކޭސްތަކުގެ ޖުމުލަ ޢަދަދު ވަނީ 101،147ށް އަރާފައެވެ. މިހާތަނަށް މި ބަލި ޖެހިގެން ބްރެޒިލްއިން 7000 ށް ވުރެ ގިނަ މީހުން ވަނީ މަރުވެފައެވެ.
ބްރެޒިލްގެ ޙާލަތު ގޯސްވަމުން އަންނައިރު، ބްރެޒިލްގެ ރައީސް ޖެއަރ ބޮލްސޮނާރޯ ވިދާޅުވަމުން ގެންދަވަނީ މި ވައިސްއަކީ އާދައިގެ ރޯގާއެއް ކަމަށެވެ. ބޮލްސޮނާރޯ ގެންދަވަނީ އޭނާގެ އެޑްވައިޒަރުންނާއި، ސައިންޓިސްޓުން ދެއްވާ އިރުޝާދުތަކައް އިންކާރުކުރައްވާ ގޮންޖައްސަވަމުންނެވެ.
މީގެ އިތުރުން، ބްރެޒިލްގެ ހެލްތު މިނިސްޓަރ މަޤާމުން ވަކި ކުރައްވާ ބޮލްސޮނާރޯ ގެންދަވަނީ ބްރެޒިލްގެ ލޮކްޑައުން އުވާލުމަށް ގޮވާލައްވަމުންނެވެ.
