ރ. އިންނަމާދޫ ބަނދަރު ސަރަޙައްދުން ގާޑިޔާ، ކެފޭ ހިންގުމަށް ބިން ދޫކުރަން ނިންމައިފިއެވެ.

އިންނަމާދޫ ކައުންސިލުން ބުނީ އެރަށު ބަނދަރު އިރުމަތި ސަރަހައްދުގައި ގާޑިޔާ، ކެފޭ ހިންގުމަށް އޮތް 2 ބިން ބިޑް އުސޫލުން ކުއްޔަށް ދޫކުރުމަށް ނިންމާފައިވާ ކަމަށެވެ. ބިޑް އުސޫލުން ބިން ނެގުމަށް ޝައުގުވެރިވާ މީހުން މެއި 13 ވާ ބުދަ ދުވަހުގެ ހެނދުނު 10:30 އަށް ކައުންސިލްގެ އިދާރާއަށް އައިސް މައުލޫމާތު ސާފުކުރުމަށްފަހު، ޝައުގުވެރިވާ މީހުން އަންދާސީ ހިސާބު ހުށަހެޅުމަށް އެދޭ ކަމަށެވެ.

ކައުންސިލުން ބުނީ އަންދާސީ ހިސާބުތައް ބަލައިގަތުން އޮންނާނީ 31 މެއި ވާ އާދިއްތަ ދުވަހުގެ ހެނދުނު 10:30 ކަމަށާއި، އަންދާސީ ހިސާބުތައް ބަލައިގަތުމަށްފަހު ހަމަ އެގަޑީގައި އަންދާސީ ހިސާބުތައް ހުށަހެޅި މީހުންގެ ހާޒިރުގައި އަންދާސީ ހިސާބުތައް ކެނޑުން ބޭއްވޭނެ ކަމަށެވެ.

އަންދާސީ ހިސާބުތައް ބަލާއިރު މައުލޫމާތު ސާފުކުރި މީހުންނަށް ދޫކުރެވޭ މައުލޫމާތާއި އެއްގޮތަށް ހުށަހަޅާ އަންދާސީ ހިސާބުތައް ނޫނީ ބަލައެއް ނުގަނެވޭނެ ކަމަށް ކައުންސިލުން ބުނެއެވެ.