ފިޔަވަޅުތަކާއެކު ޔޫއޭއީގެ މޯލްތަކާއި، ސެލޫންތައް ހުޅުވަން ފަށައިފި
3 މެއި 2020 | އާދީއްތަ 12:46މިސްކިތްތައް އަދިވެސް ބަންދު
ދުބާއީގެ މޯލްއެއް - ބޮޑެތި ސިޓީތަކުގެ މޯލްތައް ދަނީ ހުޅުވަމުން
ކޮވިޑް-19 ފެތުރުން ކޮންޓްރޯލް ކުރުމަށް ޔުނައިޓެޑް އަރަބް(އެމިރޭޓްސް) ޔޫއޭއީގައި އިޢުލާނުކޮށްފައިވާ ފުރަބަންދަށް ދޫދިނުމުގެ ގޮތުން ބޮޑެތި ސީޓީތަކުގެ ޝޮޕިން މޯލްތަކާއި ސެލޫންތައް ހުޅުވަން ފަށައިފިއެވެ.
ހޮނިހިރު ދުވަހު އަބޫދާބީ މޯލްގެ ފިހަރާތައްވެސް ވަނީ ހުޅުވާލާފައެވެ. ނަމަވެސް ފިހާރައަށް އެއް ފަހަރާ ވަދެވޭ ކަސްޓަމަރުންގެ ޢަދަދު ވަނީ ކޮންޓްރޯލް ކޮށްފައެވެ. އެ ފިހާރަތައް ހުޅުވަނީ ރައްކާތެރި ކަމުގެ ފިޔަވަޅުތަކާއި އެކުއެެވެ. އޭގެ ތެރޭގައި ހަށިގަނޑުގެ ހޫނުމިން ބެލޭ ތަރމަލް ކެމެރާތައް ފިހާރާގައި ހަރުކުރުން ހިމެނެއެވެ. ޔޫއޭއީގެ ސަރުކާރުގެ މީޑިއާއިން ބުނީ، ޝަރްޖާގެ ބައެއް މޯލްތައް އާދިއްތަ ދުވަހުން ހުޅުވަން ފަށާނެ ކަމަށެވެ.
ވެރިރަށް ދުބާއީގެ ފިހާރަތަކާއި، މޯލްތަކުގެ އޮޕަރޭޝަންތައް ވަނީ މީގެ ކުރިން ލިމިޓެޑް ކެޕޭސިޓީގައި ހުޅުވަން ފަށާފައެވެ. ފިހާރާއަށް ދާ މީހުންނަށް ވަނީ، މާސްކު އަޅާށާއި، އަންގި ލެއްވުމުގެ އިތުރުން ގައިދުރުކުރުމަށް މަޖުބޫރް ކޮށްފައެވެ.
ފިހާރަތައް ހުޅުވިޔަސް، މިސްކިތްތަކާއި، ސިނަމާތަކުގެ އިތުރުން ސްކޫލުތައް އަދިވެސް ހުރީ ބަންދުކޮށްފައެވެ. ޔޫއޭއީގެ ކޮވިޑް-19 އަށް 13،600 މީހަކު ވަނީ ޕޮޒިޓިވްވެފައެެވެ. އަދި 119 މީހަކު ވަނީ ބަލިން ފަސޭހަވެފައެވެ.
