380 އެނދުގެ ޖާގަ އެބަހުރި: އައިޖީއެމްއެޗް
މިހާތަނަށް އައިޖީއެމްއެޗްއަށް 260 ޕޭޝަންޓުން އައިސޮލޭޝަން ގެންދެވުނު
އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް)
އިންދިރާ ގާނދީ މެމޯރިއަލް ހޮސްޕިޓަލް(އައިޖީއެމްއެޗް)ގައި 380 އެނދުގެ ޖާގަ އެބަހުރި ކަމަށް އެ ހޮސްޕިޓަލްގެ މެޑިކަލް ޑައިރެކްޓަރ، ޑރ. އަލީ ނަޒީމް ވިދާޅުވެއްޖެއެވެ.
ހޮނިހިރު ދުވަހު ނެޝަނަލް އިމަރޖެންސީ އޮޕަރޭޝަން ސެންޓަރ (އެންއީއޯސީ) ބޭއްވި ނޫސްވެރިންގެ ބައްދަލުވުމުގައި 'ރާއްޖެއެމްވީ' އިން ކުރި ސުވާލަކަށް ޖަވާބުދެއްވަމުން ވިދާޅުވީ އައިޖީއެމްއެޗްގައި 380 އެއްހާ އެނދުގެ ޖާގަ އެބަހުރި ކަމަށެވެ.
300 އަށް ވުރެ ގިނަ އެނދުހުރި ނަމަވެސް ހުރިހާ އެނދެއް ކޮވިޑް-19 ޖެހިފައިވާ ބަލި މީހުންނަށް ފަރުވާދިނުމަށް ބޭނުން ނުކުރެވޭނެ ކަމަށާއި، ޢާންމު ބަލިތަކުގެ މީހުންނަށްވެސް ބައެއް އެނދުތައް ކަނޑައެޅޭނެ ކަމަށް ޑރ. އަލީ ނަޒީމް ވިދާޅުވިއެވެ.
ކޮވިޑް-19 ގެ ބަލިމީހުންނަށް ފަރުވާދިނުމަށް އެހެން ހޮސްޕިޓަލްތަކާއި މަޝްވަރާކޮށްފައިވާކަން ފާހަގަކުރައްވާ ޑރ. ވިދާޅުވީ ޓްރީޓޮޕް ހޮސްޕިޓަލަށް ކޮވިޑް-19 އަށް ފަރުވާކުރަމުންދާ މީހުން އާދީއްތަ ދުވަހު ޓްރާންސްފަރ ކުރެވޭނެ ކަމަށެވެ.
ޑރ ވިދާޅުވީ މިހާތަނަށް އައިޖީއެމްއެޗަށް 160 ބަލިމީހުން އައިސޮލޭޝަނަށް ގެންދެވުނު ކަމަށެވެ. ޑރ. އަލީ ނަޒީމް ވިދާޅުވީ އޭގެ ތެރެއިން 60 މީހުން އެޑްމިޓްކޮށްގެން ފަރުވާދީފައިވާކަމަށެވެ.
