ސާމްޕަލް ދިނުމަށް ދެކޮޅުހުދުމުން ކޯޓު އަމުރު ނެރެފި
1 މެއި 2020 | ހުކުރު 15:28ބަންގްލަދޭޝްގެ 254 މީހަކު ވަނީ ޕޮޒިޓިވް ވެފައި
ކޮވިޑް-19 ސާމްޕަލް ޓެސްޓް ކުރަނީ
ކަރަންޓީން ގައި ހުރި ދިވެއްސަކު ކޮވިޑް-19 އަށް ޓެސްޓް ކުރުމަށް ދެކޮޅު ހެދުމުން ކޯޓު އަމުރެއް ނެރެފިއެވެ.
ހުކުުރު ދުވަހު ސިވިލް ކޯޓުން ނެރެފައިވާ އަމުރުގައި ވަނީ ކަރަންޓީނުގައި ހުރި ދިވެއްސަކު ކޮވިޑް-19 އަށް ޓެސްޓް ކުުރުމަށްޓަކައި ސާމްޕަލް ދިނުމަށް ދެކޮޅު ހަދާފައިވާތީ، އެފަރާތުގެ މައްޗަށް ސާމްޕަލް ދިނުމަށް އެންގުމާއި އެކު، ސާމްޕަލް ނަގައިދިނުމަށް ޑައިރެކްޓަރ ޖެނެރަލް ކޮށްފައިވާ އަމުރު ތަންފީޒު ކުރުމަށް އެކަމުގައި ޝާމިލްވާ ފަރާތްތަކަށާއި ފުލުހުންގެ މައްޗަށް، އަމުުރު ނެފެރފައިވާ ކަމަށެވެ.
މީގެ އިތުރުން ކަރަންޓީނަށް ދިއުމަށް ދެކޮޅުހެދި ބަންގްލަދޭޝްގެ ރައްޔިތެއްގެ މައްޗަށް ކަރންޓީނަށް ދިއުމަށް އެންގުމާއި އެކު، އެފަރާތް ކަރަންޓީން ފެސިލިޓީއެއްގައި ބަންުދު ކުުރުމަށް، އެކަމުގައި ޝާމިލްވާ ފަރާތްތަކަށާއި ފުލުހުންގެ މައްޗަށް އިތުރު އަމުރެއްވެސް ވަނީ ނެރެފައެވެ.
މީގެ ކުރިން ވެސް ކަރަންޓީނަށް ދިއުމަށް ދެކޮޅު ހެދުމުގެ ސަބަބުން ތިން ދިވެއްސަކާއި ބިދޭސީއެއްގެ މައްޗަށް ސިވިލް ކޯޓުން ވަނީ އަމުރު ނެރެފައެވެ.
ރާއްޖޭގައި ކޮވިޑް-19 އަށް އެންމެ ގިނައިން ޕޮޒިޓިވް ވެފައިވަނީ ބަންގްލްދޭޝްގެ ރައްޔިތުންނެވެ. އެގޮތުން މިހާތަނަށް 254 މީހަކު ވަނީ ޕޮޒިޓިވް ވެފައެވެ.
ރާއްޖޭގައި ހަލުވިކަމާއި އެކު ކޮވިޑް 19 ފެތުރެމުން ދާއިރު، ކަރަންޓީނު ފެސިލިޓީސް ތަކުގައި މިވަގުތުވެސް 1195 މީހަކު ތިބިކަމަށް އެޗްޕީއޭއިން މައުލޫމާތު ދެއެވެ
