އެންމެ ފުރަތަމަ ކޮވިޑް-19 ފެނުނު ޗައިނާގެ ވުހާން ސިޓީގައި ބަލިޖެހިގެން ހޮސްޕިޓަލްތަކުގައި އެޑްމިޓްކުރި އެންމެން ފަސޭހަވެގެން ދޫކޮށްލާފައި ވާކަމަށް ޗައިނާގެ ހެލްތު އޮފިޝަލުން ބުނެފިއެވެ.
އެންމެ ފަހުގެ ޚަބަރަކީ އޭޕްރީލް 26 ވަނަ ދުވަހު ވުހާންގައި އަލަށް ވައިރަސް ޖެހިފައިވާ މީހަކު ނެތް. ވުހާން އާއި މުޅި ޗައިނާގެ ޞިއްޙީ އޮފިޝަލުން ކޮށްފައިވާ މަސައްކަތަށް ވަރަށް ބޮޑަށް ޝުކުރިއްޔާމި ފެންގް/ ނޭޝަނަލް ހެލްތު ކޮމިޝަންގެ ސްޕޯސްމަން
ޗައިނާގައި 82,827 މީހުންނަށް ކޮވިޑް-19 ޖެހުނުއިރު މީގެތެރެއިން 46,452 މީހުންނަކީ ވުހާން ސިޓީގެ މީހުންނެވެ. އެއީ ވައިރަސް ޕޮޒިޓިވްވި މީހުންގެ %56 އެވެ. މީގެއިތުރުން ޗައިނާއިން ވައިރަސް ޖެހިގެން 4,632 މީހުން މަރު ވެފައިވާއިރު ވުހާން ސިޓީން 3,869 މީހުން ވަނީ މަރުވެފައެވެ. އެއީ ޗައިނާއިން މަރުވި މީހުންގެ %84 އެވެ.
ވުހާންގައި ކޮވިޑް-19 ޖެހިގެން މީހުން މަރުވަމުންދާތީ އެކަން ސަމާލުކަމަށް ގެނެސްފައިވަނީ މިދިޔަ އަހަރުގެ ޑިސެމްބަރ މަހުގެ 31 ވަނަ ދުވަހު އެވެ. އޭގެފަހުން ޖެނުއަރީ މަހުގެ ފަހުކޮޅު ވުހާން ސިޓީގައި ވައިރަސް ފެތުރުން ކޮންޓްރޯލްކުރުމަށް އެސިޓީ ލޮކްޑައުން ކުރިއެވެ. އަދި ވުހާންގެ ލޮކްޑައުން ނަގާފައިވަނީ މިހިނގާ އޭޕްރީލް މަހުގެ 8 ވަނަ ދުވަހުއެވެ.
