ރާއްޖެއިން ކޮވިޑް-19 ޖެހުނު މީހުން އަދަދު 108 އަށް!
ބުރާސްފަތި ދުވަހު ބައްޔަށް ޕޮޒިޓިވްވި މީހުންގެ އަދަދު ވަނީ 23 އަށް އަރާފައި
މާލެ މަގުމަތި
އިތުރު 14 މީހަކު ޕޮޒިޓިވްވުމާއެކު، ރާއްޖެއިން ކޮވިޑް-19 ޖެހުނު މީހުންގެ އަދަދު 108 އަށް އަރައިފި އެވެ.
އަލަށް ފެނުނު ކޭސްތަކާ ގުޅޭގޮތުން މައުލޫމާތު ހިއްސާކުރައްވަމުން، ޑރ. ނަޒްލާ ވިދާޅުވީ މީގެ ތެރޭގައި އެއް ތަނެއްގައި ދިރިއުޅޭ 14 މީހަކު ފެނިފައިވާ ކަމަށެވެ. މިއާއެކު ބުރާސްފަތި ދުވަހު ރިޕޯޓްކުރެވުނު އަދަދު ވަނީ 23 ށް އަރާފަ އެވެ. މިއީ 24 ގަޑިއިރުގެ ތެރޭގައި އެންމެ ގިނަ އަދަދެއްގެ ބަޔަކު ޕޮޒިޓިވްވެގެން ރިޕޯޓްކުރެވުނު ދުވަހެވެ.
މާލެ ސިޓީގެ ތެރެއިން ކޮވިޑް-19 އަށް ޕޮޒިޓިވް މީހަކު ފުރަތަމަ ފެނިފައިވަނީ، މި ހިނގާ އެޕްރިލް މަހުގެ 15 ވަނަ ދުވަހު އެވެ. އޭގެ ފަހުން މާލެ ސަރަހައްދުން ފެނިފައިވާ ކޭސްތަކުގެ އަދަދުތައް ވަނީ ދުވަހެއް ދުވަހަށް އިތުރުވެފަ އެވެ. މީގެ ތެރޭގައި ގިނައީ ބިދޭސީންނެވެ.
