ވ.ޖުޑީޝަލް ދާއިރާ ހިންގުން ފުލިދޫ ކޯޓުގެ މެޖިސްޓްރޭޓާ ހަވާލުކޮށްފި
20 އެޕްރީލު 2020 | ހޯމަ 09:01މިބައްދަލުވުމުގައި ކޮމިޝަންގެ 8 މެމްބަރުން ބައިވެރިވެޑައިގެންނެވި
ޖުޑީޝަލް ސަރވިސް ކޮމިޝަން ބައެއް ޚިދުމަތްތައް އޮންލައިންކޮށް ލިބޭނެ ކަމަށް އެކޮމިޝަނުން މައުލޫމާތުދޭ
ވ. ޖުޑީޝަލް ދާއިރާ ހިންގުން ވ. ފުލިދޫ މެޖިސްޓްރޭޓް ކޯޓުގެ މެޖިސްޓްރޭޓް އަލްއުސްތާޒު އަޙްމަދު ޝަރީފްއާ ހަވާލުކޮށްފިއެވެ.
ޖުޑީޝަލް ސަރވިސް ކޮމިޝަން (ޖޭއެސްސީ)ން ބުނީ ކޮމިޝަންގެ މިއަހަރުގެ 31 ވަނަ ބައްދަލުވުން މިމަމަހުގެ 19ވީ އާދިއްތަ ދުވަހު އޯޑިއޯ ވީޑިއޯ ކޮންފެރެންސް މެދުވެރިކޮށް ބާއްވާފައިވާ ކަމަށެވެ. އަދި މިބައްދަލުވުން ބާއްވާފައިވަނީ މައިކްރޯ ސޮފްޓް ޓީމްސް މެދުވެރިކޮށް ކަމަށް ޖޭއެސްސީން ބުނެއެވެ.
ޖޭއެސްސީން ބުނީ މިބައްދަލުވުމުގައި ކޮމިޝަންގެ 8 މެންބަރުން ބައިވެރިވެ ވަޑައިގެން ބައެއް ނިންމުންތައް ނިންމާފައިވާ ކަމަށެވެ.
އެގޮތުން ވ. ޖުޑީޝަލް ދާއިރާ ހިންގުމާ ހަވާލުވެ ހުންނެވި ވ.ކެޔޮދޫ މެޖިސްޓްރޭޓް ކޯޓުގެ އިސްމެޖިސްޓްރޭޓް އަލްއުސްތާޒު ޢަބްދުލްޣަފޫރު މުޙައްމަދު ވަޒީފާއިން މުސްކުޅި ކޮށްދެއްވުމަށް ކޮމިޝަނުން ނިންމާފައިވާ ކަމަށެވެ. އެހެންކަމުން ވ.ޖުޑީޝަލް ދާއިރާ ހިންގުން ވ.ފުލިދޫ މެޖިސްޓްރޭޓް ކޯޓުގެ މެޖިސްޓްރޭޓް އަލްއުސްތާޒު އަޙްމަދު ޝަރީފުއާ ޙަވާލުކުރުމަށް ކޮމިޝަނުން ނިންމާފައިވާ ކަމަށް ޖޭއެސްސީން މައުލޫމާތުދެއެވެ.
ޖޭއެސްސީން އޯޑިއޯ ވީޑިއޯ ކޮންފަރެންސް މެދުވެރިކޮށް މިނިންމުން ނިންމާފައިވާއިރު، ސުޕްރީމް ކޯޓުން ވެސް ވަނީ "ވީޑިއޯ ކޮންފަރެންސް މެދުވެރިކޮށް ޝަރީޢަތުގެ މަޖިލިސްތައް ކުރިއަށް ގެންދިއުމާގުޅޭ ޚާއްޞަ ޤަވާއިދު"ގެ ނަމުގައި ޤަވާއިދެއް ހަދާފައެވެ. އަދި މި އޭޕްރީލް މަހުގެ 8 ވަނަ ދުވަހުން ފެށިގެން މި ޤަވާއިދަަށް ޢަމަލުކުރަމުން ގެންދާގޮތަށް ސުޕްރީމް ކޯޓުން ކަނޑައަޅާފައިވެއެވެ.
ސުޕްރީމް ކޯޓުން އެކުލަވާލި، މިޤަވާއިދުގައި ވީޑިއޯ ކޮންފަރެންސް މެދުވެރިކޮށް ޝަރީޢަތުގެ މަޖިލިސްތައް ކުރިއަށް ގެންދާނެ ގޮތާގުޅޭ 10 މާއްދާ ހިމެނެއެވެ.
ޢާންމު ޞިއްޙަތުގެ ކުއްލި ނުރައްކަލުގެ މިޙާލަތުގައި، ކްރިމިނަލް ކޯޓާއި ޕްރޮސެކިއުޓަރ ޖެނެރަލްގެ އޮފީހާ ދެމެދު، ވީޑިއޯ ކޮންފަރެންސް މެދުވެރިކޮށް، ބައެއް އަޑުއެހުންތައް މީގެކުރިން ބާއްވާފައިވެއެވެ.
