ޗައިނާގައި ފާއިތުވި 24 ގަޑިއިރު ތެރޭގައި ކޮވިޑް-19 ޖެހުނު މީހުންގެ އަދަދު ކުރީ ދުވަހާ އަޅާބަލާއިރު މަދު
ބުދަ ދުވަހު ވައިރަސް ޖެހިފައިވަނީ 46 މީހުންނަށް
ޗައިނާއިން އަދިވެސް އަންނަނީ ކޮވިޑް-19 އަށް މީހުން ޕޮޒިޓިވްވަމުން
ކޮވިޑް-19 ޖެހިގެން ބުރާސްފަތި ދުވަހު ޗައިނާއިން ރިޕޯޓްކޮށްފައިވާ އަދަދު ކުރީ ދުވަހާ އަޅާބަލާއިރު ދަށަށްގޮސްފި އެވެ.
ޗައިނާގެ ނޭޝަނަލް ހެލްތް ކޮމިޝަނުން ހާމަކުރާ ގޮތުގައި ބުރާސްފަތި ދުވަހު ޗައިނާގައި ވައިރަސް ޖެހިފައިވަނީ 26 މީހުންނަށެވެ. އޭގެކުރީ ދުވަހު 46 މީހަކަށް ވަނީ ވައިރަސް ޖެހިގެން ރިޕޯޓްކޮށްފަ އެވެ.
ބުރާސްފަތި ދުވަހު ވައިރަސް ޖެހިގެން ރިޕޯޓްކޮށްފައިވާ 15 މީހުންނަކީ ޗައިނާއަށް އެތެރެވި މީހުންނެވެ. ބުދަ ދުވަހު ޗައިނާއަށް އެތެރެވި މީހުންގެ ތެރެއިން 34 މީހަކަށް ވައިރަސް ޖެހިގެން ވަނީ ރިޕޯޓްކޮށްފަ އެވެ. ބުރާސްފަތި ދުވަހު ދެން ވައިރަސް ޖެހިގެން ރިޕޯޓްކޮށްފައިވާ 11 މީހުންނަކީ ޗައިނާގެ ތެރެއިން ވައިރަސް ޖެހުނު މީހުންނެވެ.
ބުރާސްފަތި ދުވަހު ވައިރަސް ހަށިގަނޑުގައި ހުރިކަމުގެ އަލާމާތް ނުފެނި 66 މީހަކަށް ވަނީ ވައިރަސް ޖެހިފަ އެވެ. އޭގެކުރީ ދުވަހު ވަނީ 64 މީހަކަށް އެގޮތަށް ވައިރަސް ޖެހިފައިވާކަން އެނގިފަ އެވެ. މިހާތަނަށް އާއިރު ވައިރަސް ހަށިގަނޑުގައި ހުރިކަމުގެ ނިޝާނެއް ނުފެނި ޗައިނާއިން ކޮވިޑް-19 ޖެހިފައިވާ މީހުންގެ އަދަދު ހާހަކަށްވުރެ މަތިކަމަށް ރިޕޯޓްތައް ބުނެއެވެ.
ޗައިނާގައި މިހާތަނަށް އާއިރު 82,692 މީހުންނަށް ވައިރަސް ޖެހިފައިވާއިރު 4,632 މީހުން ވަނީ މަރުވެފަ އެވެ.
