ކޮވިޑް-19 އަށް ޕޮޒިޓިވްވި ފަރާތްތަކާއި ކޮންޓެކްޓް ވެފައިވާ މީހުން ތިބުމުން 11 ގެޔެއް މޮނީޓަރިންގެ ހާލަތަށް ގެނެސްފި
16 އެޕްރީލު 2020 | ބުރާސްފަތި 10:02މާާލޭގެ ގެތަކުގެ އިތުރުން ހުޅުމާލޭގެ ފްލެޓްތައް ވެސް ހިމެނޭ
ކޮވިޑް-19 ގެ ސާމްޕަލްތައް ޓެސްޓް ކުރުމުގެ މަސައްކަތް އައިޖީއެމްއެޗް ލެބޯޓްރީން ކުރިއަށް ގެންދަނީ
ކޮވިޑް-19 އަށް ޕޮޒިޓިވްވި ފަރާތްތަކާއި ކޮންޓެކްޓް ވެފައިވާ މީހުން ތިބެގެން 11 ގެޔެއް މޮނީޓަރިންގެ ހާލަތަށް ގެނެސްފިއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ކޮށްފައިވާ ޓުވީޓެއްގައި ބުނީ މި ހާލަތުގައި އެތަންތަނަށް ވަދެ ނިކުތުން މަނާވާނެ ކަމަށެވެ. އެ ގެތަކުގެ ތެރޭގައި މާާލޭގެ ގެތަކުގެ އިތުރުން ހުޅުމާލޭގެ ފްލެޓްތައް ވެސް ހިމެނެއެވެ.
މި ގެތަކުގެ އިތުރުން މ.ޖަރީމާގެއާއި ހ. ރަތްކުރެދި އިމާރާތުގެ 4 ވަނަ ފަނގިފިލާ އާއި ސ.ހިތަދޫ ނޫމަސްވާދީގެ މޮނިޓަރިންގެ ހާލަތަށް ގެނެސްފައިވާކަން ރޭ އެޗްޕީއޭއިން ވަނީ ހާމަކުރައްވާފައެވެ. އަދި އައްޑޫސިޓީން 2 މީހަކާއި، ގދ.ވާދޫން 2 މީހަކު އައިސޮލޭޓްކޮށްފައިވާކަމަށް ވެސް އެޗްޕީއޭއިން ބުނެއެވެ.
