ރައީސް ޤައުމާ މުހާތަބު ކުރައްވަނީ 3:45 ގައި
15 އެޕްރީލު 2020 | ބުދަ 09:37މާލެ 24 ގަޑިއިރަށް ލޮކްޑައުން ކުރަން ވަނީ ނިންމާފައި
ރައީސް ސޯލިހު އެންއީއޯސީ އަށް ކުރެއްވި ޒިޔާރާތުގެ ތެރެއިން
މާލެ ތެރެއިން ފުރަތަމަ ފަހަށް ކޮވިޑް-19 އަށް މީހަކު ޕޮޒިޓިވްވުމާއި ގުޅިގެން ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ޤައުމާ މުހާތަބު ކުރައްވަން ހަމަޖެހިއްޖެއެވެ.
ރާއްޖެ.އެމްވީ އަށް މައުލޫމާތު ދެއްވި ސަރުކާރުގެ އިސް އޮފިޝަލަކު ވިދާޅުވީ، މިއަދުގެ ވަގުތެއްގައި ރައީސް ސޯލިހު ޤައުމާ މުހާތަބު ކުރައްވާނެ ކަމަށެވެ. އެކަމަކު ރައީސް މުހާތަބު ކުރައްވާނީ އަސްރު ނަމާދަށްފަހުގަ އެވެ.
މިދިޔަ އަހަރުގެ ޑިސެމްބަރު މަހު ޗައިނާގެ ވުހަން ސިޓީން ފެތުރުން ފެށި ކޮވިޑް-19 އަށް ކޮވިޑް-19 އަށް ޕޮޒިޓިވްވެފައިވަނީ 21 މީހަކު އެވެ. އޭގެ ތެރެއިން 16 މީހަކު ބަލިން ރަނގަޅުވެފައިވާއިރު، އޭގެތެރޭގައި ހިމެނޭ ދެ މީހުން ބައްޔަށް ޕޮޒިޓިވްވެފައިވަނީ ރާއްޖެއިން ފުރައިގެން ދިޔަ ފަހުންނެވެ.
މާލެއިން މީހަކު ކޮވިޑް-19 އަށް ޕޮޒިޓިވްވުމާއި އެކު އާއްމުންގެ ތެރޭގައި ވަނީ ހާސްކަން އިތުރުވެފައެވެ. އެއާއެކު ހާސްނުވެ ގޭތެރޭގައި ތިބުމަށް ކަމާއި ބެހޭ އިދާރާތަކުން ދަނީ އިލްތިމާސް ކުރަމުންނެވެ.
