އެންޒީ "ވަރަށް ފައްކާ" ޕްރޮމޯޝަންގެ މާރޗް މަހުގެ ލަކީޑްރޯ ނަގައިފި

މިހިނގާ ފެބްރުއަރީ މަހުގެ 15 އިން ފެށިގެން އެންޒީއިން ކުރިއަށް ގެންދާ "އެންޒީ ވަރަށް ފައްކާ މަސްދަޅު ޕްރޮމޯޝަންގެ" ފުރަތަމަ މަހުގެ ލަކީ ޑްރޯ 12 އޭޕްރިލް 2020 ގައި ނަގައިފިއެވެ.

އެކަމާ ގުޅޭގޮތުން އެންޒީގެ އެސިސްޓަންޓް މެނޭޖަރ، ސޭލްސް އެންޑް މާރކެޓިންގް އަހުމަދު އަބްދުއްރަހީމް ވިދާޅުވީ، މި ޕްރޮމޯޝަންގެ ދަށުން ކޮންމެ މަހަކު ގުރުއަތު ނެގުމަށްފަހު ފައިސާގެ އިނާމުގެ ގޮތުގައި 1،000ރ ،5،000ރ، 10،000ރ ނަސީބުވެރި 3 ފަރާތަކަށް ލިބިގެންދާނެ ކަމަށެވެ. އެގޮތުން ޕްރޮމޯޝަންގައި އާދިއްތަ ދުވަހުގެރޭ ނެގުނު ލަކީ ޑްރޯއިން މާރޗްމަހަށް ހޮވުނު ނަސީބުވެރި 3 ފަރާތައް ފައިސާއާއި ހަވާލުވުމަށް ވަޑައިގެންނެވުމަށް އަންގާފައިވާކަމަށް އެންޒީއިން ބުނެއެވެ.

އެންޒީން ބުނީ، މި ޕްރޮމޯޝަންގައި ބައިވެރިވުމަށް ލޭބަލްކޮޅު ދަޅުން ނައްޓާލުމަށްފަހު، ލޭބަލްގެ ފަހަތުގައިވާ ސީރިއަލް ނަމްބަރ 5040 ކަށް މެސެޖް ކޮށްލެއްވުމުން ބައިވެރިވެވޭނެ ކަމަށެވެ. އަދި 15 ފެބްރުވަރީ އިން 31 ޖުލައި، މި މުއްދަތުގެ ތެރޭގައި އެސް އެމް އެސް ކުރަށްވާފައިވާ ހުރިހާ ބޭފުޅުންގެ މެދުގައި ގްރޭންޑް ލަކީ ޑްރޯއެއް ނެގިގެންދާނެ ކަމަށާއި، ގްރޭންޑް ލަކީ ޑްރޯގެ ނަސީބުވެރި 3 ފަރާތަކަށް ފައިސާގެ އިނާމުގެ ގޮތުގައި 30،000ރ ،50،000ރ، 100،000ރ، ލިބިގެންދާނެ ކަމަށް ބުނެފައިވެއެވެ.

އޭގެ އިތުރުން، މިވަގުތަކީ ވިޔަފާރިތަކުން އާންމު ފަރުދުންނަށް ވީހާވެސް ބޮޑަށް އެހީތެރިކަން ފޯރުކޮށްދޭންވީ ވަގުތެއްކަން ފާހަގަކޮށް އެންޒީން ބުނީ، މަސްދަޅުގެ އަގު 6 އޭޕްރިލް އިން ފެށިގެން ވަރަށް ބޮޑަށް ހެޔޮ ކޮށްފައިވާ ކަމަށެވެ.

މިގޮތުން ތެޔޮ މަސްދަޅެއް 12 ރުފިޔާއަށް އަދި ފެން މަސްދަޅެއް 11.50ރ އަށް އަގު ކުޑަ ކުރެވިފައިވާއިރު، ކޭސް ނަންގަވާނަމަ، ތެޔޮ މަސްދަޅު ކޭހެއް 555ރ އަށް އަދި ފެން މަސް ކޭހެއް 530ރ އަށް ލިބިވަޑައިގަންނަވާނެކަމަށް އެންޒީން ބުނެއެވެ.

އެންޒީގެ ފަރާތުން ކުރިއަށްގެންދާ މި ޕްރޮމޯޝަންގެ އިތުރު މަޢުލޫމާތު އެންޒީގެ ފޭސްބުކް ޕޭޖުން ލިބެންހުންނާނެއެވެ.