ފަސް ރީޖަނަލް ހޮސްޕިޓަލުގައި ކޮވިޑް-19 އަށް ޓެސްޓު ކުރެވޭނެ އިންތިޒާމު ހަމަޖައްސަނީ
12 އެޕްރީލު 2020 | އާދީއްތަ 16:57ފަސް ރީޖަނަލް ހޮސްޕިޓަލޔތަކުގައި އައިސިޔޫ އެނދުތަކާއި އައިސޮލޭޝަން އެނދުތައް ކަނޑައަޅާފައިވޭ
ކޮވިޑް-19 އަށް ޓެސްޓު ކުރުމުގެ ކަންތައްތައް އައިޖީއެމްއެޗް ހޮސްޕިޓަލުގައި ކުރިއަށްދަނީ
ރާއްޖޭގެ އެކި ސަރަހައްދުތަކުގައި ކޮވިޑް-19 އަށް ޓެސްޓު ކުރެވޭނެ އިންތިޒާމު ހަމަޖެއްސުމުގެ މަސައްކަތް ކުރަމުންދާ ކަމަށް ކޮވިޑް-19 ގެ ޓާސްކް ފޯހުގެ ތަރުޖަމާނު މަބްރޫކް އަޒީޒް ވިދާޅުވެއްޖެއެވެ.
އާދިއްތަ ދުވަހުގެރޭ ނެޝެނަލް އެމަޖެންސީ އޮޕަރޭޝަން ސެންޓަރުގައި އޮތް ނޫސްވެރިންގެ ބައްދަލުވުމުގައި ވާހަކަދައްކަވަމުން މަބްރޫކް ވިދާޅުވީ ރާއްޖޭގެ 5 ރީޖަނަލް ހޮސްޕިޓަލެއްގައި ކޮވިޑް-19 އަށް ޓެސްޓް ކުރެވޭނެ އިންތިޒާމު ހަމަޖެއްސުމުގެ މަސައްކަތް ކުރަމުންދާ ކަމަށެވެ. އަދި އެ ހޮސްޕިޓަލުތަކުގައި ހުރި ޓީބީ އަށް ޓެސްޓު ކުރާ މެޝިންތައް ހުންނަކަން ފާހަގަކުރައްވާ މަބްރޫކް ވިދާޅުވީ އެ މެޝިންތަކަށް ލައްވާ ވަކި ވައްތަރެއްގެ ކާޓްރިޖެއް ކޮވިޑް-19 އަށް ޓެސްޓް ކުރެވޭގޮތަށް އީޖާދު ކުރެވިފައިވާ ކަމަށެވެ. އަދި އެތަކެތި ރާއްޖެ ގެނައުމުގެ މަސައްކަތް ކުރަމުންދާ ކަމަށާއި އެތަކެތި ރާއްޖެ ގެނެވުމުން ޓެސްޓް ކުރެވޭނެ އިންތިޒާމު ހަމަޖެހިގެންދާނެ ކަމަށް މަބްރޫކް ވިދާޅުވިއެވެ.
މަބްރޫކް އިތުރަށް ވިދާޅުވީ މިހާރު އެ ފަސް ރީޖަނަލް ހޮސްޕިޓަލްތަކުގައި އައިސިޔޫ އެނދުތަކާއި އައިސޮލޭޝަން އެނދުތައް ކަނޑައަޅާފައިވާ ކަމަށެވެ.
އެގޮތުން އައިސިޔޫ އެނދުތަކާއި އައިސޮލޭޝަން އެނދުތައް ކަނޑައަޅާފައިވަނީ:
މަބްރޫކް ވިދާޅުވީ މި ހޮސްޕިޓަލުގައި ކޮވިޑް-19 އަށް ފަރުވާދޭ ނުވަތަ ޝައްކު ކުރެވޭ މީހުންނަށް ހިދުމަތް ފޯރުކޮށްދިނުމަށްޓަލައި ސަރަހައްދުތައް ވަކި ކުރެވިފައިވާ ކަމަށާއި އެ ސަރަހައްދުތަކަށް ވަދެވޭނީ ވެސް ވަކި ދޮރަކުން ކަމަށެވެ.
