ފުޅާ ދާއިރާއެއްގައި ރާއްޖެއަށް ކާބޯތަކެތީގެ މުދާ އެތެރެކޮށް ވިއްކަމުންދާ ސިބްކޯ އިން އެކުންފުނީގެ ފަރާތުން އެންމެ ފަހުން އެތެރެކުރި "އަލްބާޑިއާ ކޮކޮނަޓް މިލްކް ޕައުޑަރ" ދިވެހި ބާޒާރަށް ތަޢާރަފުކޮށްފިއެވެ.

ސިބްކޯ އިން ބުނީ މި ޕްރޮޑަކްޓްގެ ލިބެން ހުންނާނީ 300 ގްރާމް އާއި 1 ކިލޯގެ ޕެކިންގގައި ކަމަށެވެ.

ސްބްކޯގެ ފަރާތުން ވާހަކަ ދައްކަވަމުން އެ ކުންފުނީގެ މެނޭޖަރ މާކެޓިންގ އެންޑް ކޮމިއުނިކޭޝަންސް، އަޙްމަދު ހާނީ ނަޢީމް ވިދާޅުވީ އަލްބާޑިއާ ކޮކޮނަޓް މިލްކް ޕައުޑަރ އުފައްދާފައިވަނީ މެލޭޝިޔާގެ އެންމެ ފެންވަރު ރަނގަޅު ކާށި ބޭނުންކޮށް 'ސްޕްރޭ ޑްރައި' ކުރުމަށްފަހު އެއްވެސް ޕްރިޒަވެޓިވް އެއް އަދި ކޮލެސްޓްރޯލް ނުހިމެނޭ ގޮތަށް ކަމަށެވެ.

އަލްބާޑިއާ ކޮކޮނަޓް މިލްކް ޕައުޑަރަކީ ޒަމާނީ ދިރިއުޅުމުގައި ފަސޭހައިން ތައްޔާރުކޮށްލެވޭ ރަހަމީރު އަދި އަގު ގޮތުން އަތްފޯރާފަށުގައި ލިބޭ އުފެއްދުމެއް ކަމަށާއި ކަސްޓަމަރު ޚިޔާރުކުރައްވާ މިންވަރަށް ފެނަށް ގިރާލައިގެން ބޭނުންކުރެވޭނެ އެއްޗެއް ކަމަށް ސިބްކޯ އިން ބުނެއެވެ.

މެލޭޝިޔާގެ އުފެއްދުމެއްކަމުގައިވާ އަލްބާޑިއާ ކޮކޮނަޓް މިލްކް ޕައުޑަރަކީ މެދުއިރުމައްޗާއި ގަލްފުގެ ގައުމުތަކުގައި މަޤުބޫލުކަން ހޯދާފައިވާ ޕްރޮޑަކްޓެކެވެ.

ސިބްކޯ އަކީ ރާއްޖޭގެ ބާޒާރުގައި މަޝްހޫރު އަލްމުދިޝް ހިކިކިރާއި އަލްމުދިޝް ޓޮމާޓޯ ޕޭސްޓް، ފަލަކް ބާސްމަތީ ހަނޑޫ، ކުޑަކުދިންނަށް ޚާއްޞަ ނެޕީއެއްކަމުގައިވާ މަމީ ޕޮކޯ ޕޭންޓްސް، ޑިއުރަސެލް ބެޓަރި އާއި ޓެޓްލީ ޓީ އަދި ވޮންޑާ ކޮފީ ފަދަ ބްރޭންޑްތަކުގެ އޮތޮރައިޒްޑް ޑިސްޓްރިބިއުޓަރެވެ.