އެސްޓީއޯއިން ރާއްޖެއަށް ކޯނޭ ބްރޭންޑްގެ އެލަވޭޓާރސް ތައާރަފުކޮށްފި

އެސްޓީއޯ ހޯމް އިންޕްރޫވްމަންޓުން ރާއްޖެއަށް ކޯނޭ ބްރޭންޑްގެ އެލަވޭޓާރސް އާދިއްތަ ދުވަހު ތައާރަފު ކޮށްފި އެވެ.

ފިންލޭންޑުގެ އިންޖީނިއަރިންގް ކުންފުންޏެއް ކަމަށްވާ ކޯނޭއިން އެލިވޭޓާރސްގެ އިތުރުން އެސްކަލޭޓާރސް، އޮޓޯ ވޯކް އަދި އޮޓޯ ޑޯސް ވެސް އުފައްދައެވެ.

ކޯނޭ ބްރޭންޑް އެސްޓީއޯ އަށް ތައާރަފް ކުރުމާއި ގުޅިގެން ޕްރޮމޯޝަނަލް އޮފަރއެއްގެ ގޮތުން ފުރަތަމަ 5 އެލިވޭޓާރސް ގަންނަ ފަރާތަކަށް އެލިވޭޓާރސް ހަރު ކޮށްދިނުމުގެ ޚިދުމަތް ހިލޭ ފޯރުކޮށްދެވިގެންދާނެ ކަމަށް އެސްޓީއޯ އިން ބުންޏެވެ. އަދި ގަންނަ ކޮންމެ އެލިވޭޓާރއަކަށް 12 މަސްދުވަހުގެ ވޮރެންޓީ ވެސް ލިބިގެންދާނެ ކަމަށް އެ ކުންފުނިން ބުންޏެވެ.

ކަސްޓަމަރުން ބޭނުންވާ ގޮތަކަށް އެލަވޭޓަރ ޑިޒައިންކޮށް އިންސްޓޯލްކޮށް، އާފްޓާރ ސޭލްސްގެ ޚިދުމަތް އެސްޓީއޯ ހޯމް އިންޕްރޫވްމަންޓުން ލިބެން ހުންނާނެ ކަމަށް އެސްޓީއޯއިން ވަނީ މައުލޫމާތު ދީފައެވެ.

ކޯނޭ އެލަވޭޓަރސް ދުނިޔޭގެ މަޝްހޫރު ގިނަ ތަނެއްގައި ހަރު ކުރެވިފައިވެއެވެ. އެލަވޭޓަރސް ހަރުކުރެވިފައިވާ ބައެއް ތަންތަނަށް ބަލާއިރު މައްކާގެ ކްލޮކްޓަވަރާއި ސިންގަޕޫރްގެ މެރީނާބޭ ސޭންޑްސް ހިމެނެއެވެ.

ކޯނޭ ބްރޭންޑްގެ އެލިވޭޓާރސް ތައާރަފު ކުރުމުގެ ލޯންޗިންގ ސެރަމަނީ އޮންނާނެ ދުވަހެއް ފަހުން އިއުލާން ކުރާނެ ކަމަށް ވެސް އެސްޓީއޯއިން ބުންޏެވެ.