ކަންގެން ވޯޓާ ފިލްޓާ މެޝިން ރާއްޖޭގައި ތައާރަފުކޮށްފި

ކަންގެން ވޯޓާ ފިލްޓާ މެޝިން ރާއްޖޭގައި ތައާރަފުކޮށްފި

މި ވޯޓާ ފިލްޓާ މެޝިން ލޯންޗުކޮށްފައިވަނީ ހޮނިހިރު ދުވަހު ސޯލްޓް ރެސްޓޯރަންޓްގައި ބޭއްވި ހަފުލާއެއްގަ އެވެ.

ކަންގެން ވޯޓާ ފިލްޓާ މެޝިންއާ ބެހޭގޮތުން މައުލޫމާތު ފޯރުކޮށްދީފައިވަނީ މޮރިޝަސްގެ ކުރީގެ ޓުއަރިޒަމް މިނިސްޓަރ އަދި މިހާރު އެނަޖިކް ކުންފުނީގެ އެނަޖިކް ހެލްތު ޕާޓްނަރ މައިކަލް ސިކް ޔުއެންއެވެ.

މައިކަލް ބުނީ މި ފިލްޓަރުން ފެން ދެބަޔަކަށް ބެހިގެންދާނެކަމަށާއި ފެން ދެބަޔަކަށް ބެހިގެން ދިޔުމުން އަލްކަލައިން ފެނާއި އެސިޑިކް ފެން ލިބިގެންދާނެކަމަށެވެ. އެސިޑިކް ފެނަކީ ހަށިގަނޑަށް ރަގަޅު ނޫން ފެނެއްކަށާއި އެހެންނަމަވެސް ހަންގަނޑަށާއި އިސްތަށިގަނޑަށް ރަގަޅު ފެނެއް ކަމަށެވެ. އަލްކަލައިން ފެނަކީ ބޯން އެންމެ ރަގަޅު ފެންކަމަށެވެ. މި ފިލްޓަރުން ފެން ފިލްޓާވެގެންދަނީ ސަޕްލައި ފެން އިސްކުރާ މެޝިން ގުޅާލުމުންނެވެ.

ކަންގެން ވޯޓާ ފިލްޓަރުން ފިލްޓާވެގެންދާ ފެނުން ހަށިގަނޑަށް އެތަކެއް ފައިދާތަކެއް ލިބި މީހާ ހިކުމަށް މަގުފަހިވެ، ލޭގެ ޕްރެޝަރު ދަށްވެ، ހަށިގަނޑު ލުއިވެގެންދާނެ ކަމަށް މައިކަލް ފާހަގަކުރެއްވިއެވެ.

މައިކަލް ވަނީ މިފިލްޓަރުން ފިލްޓާވާ ފެނުގެ ހުރި ތަފާތުކަން އެކިއެކި އެކްސްޕެރިމެންޓްތައް މެދުވެރިކޮށްގެން ދައްކާލާފައެވެ. ކަންގެން ވޯޓާ ފިލްޓަރުން ފިލްޓާވެގެންދާ ފެނުގެ އާދަޔާ ހިލާފު ކަމަކަށް ފާހަގަކުރެވުނީ ފެން ހޫނުނުކޮށް ސައިފަތް ޕެކެޓެއް ފެނުގެ ތެރެއަށް ލުމުން ކަޅުސައި ތައްޓެއް ހެދިގެންދާ މަންޒަރެވެ. އެހެން ނަމަވެސް މިނަރަލް ފެން އެޅުމަށްފަހު ސައިފަތް ޕެކެޓް ލުމުން އެއްވެސް ބަދަލެއް ފެން ތައްޓަކަށް އަންނަ މަންޒަރެއް ފެނިގެނެއް ނުދެއެވެ.

ކަންގެން ވޯޓާ ފިލްޓާގެ ތަފާތު ފަސް މެޝިނެއް ރާއްޖޭގެ މާކެޓަރަށް ނެރޭނެކަމަށް މައިކަލް ވިދާޅުވި އެވެ.

މި ފިލްޓާ މެޝިން އެހެން ޤައުމުތަކުގައި ލޯންޗުކުރިތާ 40 އަހަރަށްވުރެ ގިނަދުވަސް ވެއްޖެއެވެ. މި ފިލްޓާ މެޝިންއަކީ ޖަޕާނުގެ އުފެއްދުމެކެވެ.