"ސްމައިލްޓު ޕޭ" ހިދުމަތް ކޭއެފްސީން ތައާރަފުކޮށްފި
މި ޙިދުމަތް ތައާރަފުކުރީ ޗައިނާގައި
ސްމައިލްޓު ޕޭ ޙިދުމަތް މީހަކު ބޭނުން ކުރަނީ
ހިނިތުންވުމަކާއެކު ޗައިނާގެ ކޭއެފްސީ ރެސްޓޯރެންޓުގައި ބިލް ދެއްކުމުގެ އާ ހިދުމަތެއް ތައާރަފުކޮށްފިއެވެ.
ޗައިނާގެ ސިޓީއެއް ކަމަށްވާ ހަންގްޒޮއުގައި ޓެކްނޮލޮޖީގެ އެހީގައި މި ހިދުމަތް ތައާރަފުކުރެވިގެންދިޔައީ ޒުވާން އުމުރު ފުރައިގެ ކުދިންނަށް އަމާޒުކޮށް ކަމަށް އެކި ރިޕޯޓްތައް ބުނެއެވެ.
"ސްމައިލްޓު ޕޭ" ހިދުމަތް ބޭނުންކުރާ ކަސްޓަމަރުންނަށް "ފޭސް ރިކޮގްނިޝަން" ސިސްޓަމް ބޭނުންކޮށްގެން މި ހދުމަތް ބޭނުންކުރެވޭނެ އެވެ.
ކޭއެފްސީގެ އެކްސްކުލޫސިވް ރައިޓްސް އޮންނަ ޗައިނާގެ ފާސްޓު ފުޑް ރެސްޓޯރަންޓު "ޔުމް ޗައިނާ"ގެ ޕްރެޒިޑެންޓް ޖޯއީ ވަޓް ބުނި ގޮތުގައި މި ހިދުމަތަކީ ޒަމަނީ ވަސީލަތްތަކާ އެކުވެރި މީހުންނަށް އަމާޒުކޮށްގެން ހުޅުވާލި ހިދުމަތެއް ކަމަށެވެ.
މި ހިދުމަތާއެކު ބިލް ދައްކަން ފަސޭހަވެގެންދާނެ ކަމަށް ވެސް ގިނަ ބަޔަކު ގަބޫލުކުރެއެވެ.
"ސްމައިލްޓު ޕޭ" ހިދުމަތަކީ ފެންވަރު ރަގަޅު މޮޅު ހިދުމަތެއް ކަމަށް ޔުމް ޗައިނާ އިން ބުނެއެވެ.
